Áskorendamótaröð Evrópu: Guðmundur Ágúst T-13 á Open de Bretagne!!!

Guðmundur Ágúst Kristjánsson, GR, deildi 13. sætinu ásamt 6 öðrum kylfingum á Open de Bretagne mótinu í Áskorendamótaröð Evrópu!!! Stórglæsilegur og besti árangur Guðmundar Ágústs til þessa á mótaröðinni!!!

Það er ekkert smá afrek að vera meðal topp-20 á 2. bestu mótaröð karla í Evrópu, þar sem samkeppnin er gríðarlega sterk og margir kylfinganna hafa spilað á Evróputúrnum!

Guðmundur Ágúst lék á samtals 4 undir pari, 276 höggum (67 72 69 68) – átti 3 hringi undir 70!!!

Fyrir þennan góða árangur sinn hlaut Guðmundur Ágúst € 3000 í verðlaunafé (420.000 ísk).

Birgir Leifur Hafþórsson GKG, lék einnig í mótinu og varð T-31 á sléttu pari. Birgir Leifur er fyrsti og eini íslenski kylfingurinn, til þessa, sem tekist hefir að sigra á Áskorendamótaröð Evrópu.

Þjóðverjinn Sebastian Heisele sigraði í mótinu á 13 undir pari (73 64 65 65) og var sigurtékki hans u.þ.b. 4.5 milljón ísk. Þetta var fyrsti sigur Heisele á mótaröðinni.

Það er ekki mikla peninga að hafa á þessari mótaröð – en hún er mikilvægt stökkbretti á stærstu mótaröðina í Evrópu, Evróputúrinn….. og Evróputúrinn er síðan samsvarandi stökkbretti á mótaröð þeirra bestu í heimi, bandarísku PGA Tour.

Sjá má lokastöðuna á Open de Bretagne mótinu með því að SMELLA HÉR: