Áskorendamótaröð Evrópu: Birgir Leifur á +3 e. 1. dag í Þýskalandi

Birgir Leifur Hafþórsson, Íslandsmeistari í golfi 2014, hefur keppni í dag á móti á Áskorendamótaröð Evrópu. Birgir fékk boð um að taka þátt með skömmum fyrirvara þar sem hann hefur styrkt stöðu sína á styrkleikalista næst sterkustu atvinnumótaraðar Evrópu að undanförnu.
Mótið fer fram á Hartl golfsvæðinu í Þýskalandi sem er stærsta golfvallasvæði í Evrópu

Birgir Leifur er í 97. sæti á peningalista Áskorendamótaraðarinnar en það er að miklu að keppa fyrir GKG kylfinginn að bæta stöðu sína á þeim lista. Birgir hefur aðeins leikið á þremur mótum á þessu tímabili á Áskorendamótaröðinni. Hann varð áttundi á KPMG mótinu í Hollandi en hann endaði í 58., og 42. sæti á hinum tveimur mótunum.

Í fyrra fékk Birgir Leifur aðeins tækifæri á einu móti á Áskorendamótaröðinni en árið 2011 lék hann á átta mótum og árið 2006 fékk hann alls 17 mót.

Árangur Birgis Leifs á Áskorendamótaröðinni:

Birgir Leifur hafði áætlað að leika á meistaramóti GKG sem fram fer þessa dagana á Leirdalsvelli – en þar er Ólafur Björn Loftsson efstur á -1 eftir fyrsta hringinn.

Nú í dag lék Birgir Leifur á 3 yfir pari, 74 höggum – fékk 3 fugla og 6 skolla og er T-98.

Í 1. sæti er Ricardo Gouveia frá Portúgal en hann lék á 8 undir pari, 63 höggum.

Staðan á mótinu eftir 1. mótsdag á Hartl: