Ragnheiður Jónsdóttir | janúar. 21. 2018 | 08:00

Asíutúrinn: Sergio Garcia sigraði á Singapore Open

Það var Sergio Garcia sem stóð uppi sem sigurvegari á móti vikunnar á Asíutúrnum, Singapore Open.

Hann spilaði 27 holur án þess að missa högg og átti 5 högg á næstu menn, með að því er virðist óbilandi sjálfstraust, sem er nauðsynlegt í Masters titilvörnina nú síðar á árinu.

Sergio lauk keppni á 14 undir pari, 270 höggum (66 70 66 68) á keppnisvellinum í Sentosa golfklúbbnum, þar sem mótið fór fram.

Garcia varð að fara á völlinn að klára 3. hring sinn við sólaupprás vegna þess að leik var fresta í gær vegna þruma og eldinga.

Hann lauk þeim 9 holum sem hann átti eftir að spila af 3. hring á 4 undir pari 66 höggum og var þar með með 1 höggs forystu fyrir lokahringinn.

Vegna þess að skipuleggjendur voru hræddir um enn meira vont veður þá varð Sergio að fara strax á teig aftur og klára 4. hringinn sem hann gerði á skollalausum 3 undir pari, 68 höggum og stefndi örugglega að sigri með 10 pör í röð þegar samkeppnin var að dala í kæfandi rakanum.

Jafnir í 2. sæti urðu Satoshi Kodaira frá Japan, 5 höggum á eftir Garcia, þ.e. á 9 undir pari, 275 höggum (66 72 66 71) og   Shaun Norris frá S-Afríku (69 67 69 70).

Jazz Janewattananond og landi hans frá Thailandi Danthai Bonnma deildu síðan 4. sætinu á 8 undir pari, 276 höggum;  Jazz á (71 68 66 71) og Danthai (70 68 65 73).

Þess mætti í framhjáhlaupi geta að Jazz vann sér inn kortið sitt á lokaúrtökumóti Evrópumótaraðarinnar í desember 2017 og má sjá hér kynningu Golf 1 á þessum nýja strák á Evróputúrnum með því að SMELLA HÉR: 

Til þess að sjá lokastöðuna á Singapore Open SMELLIÐ HÉR: