Asíutúrinn: Schwartzel enn efstur þegar Thailand Golf Championship er hálfnað

Eftir 2. dag Thailand Golf Championship er Charl Schwartzel frá Suður-Afríku enn efstur. Hann er búinn að spila báða hringi sína í mótinu á 65 þ.e. samtals á 14 undir pari, 130 höggum.

Í 2. sæti, 3 höggum á eftir er „heimamaðurinn“ Thitiphun Chuayprakong á samtals 11 undir pari, 133 höggum (66 67).

Sænsk-indverski kylfingurinn Daníel Chopra er í 3. sæti á samtals 10 undir pari (67 67)  og Japaninn Masanori Kobayashi er í 4. sæti á samtals 9 undir pari.  Landi Kobayashi, Ryo Ishikawa er síðan í 5. sæti á samtals 8 undir pari, 136 höggum (70 66).

Fimm kylfingar deila síðan 6. sæti á samtals 6 undir pari, þ.á.m. Bubba Watson og Sergio Garcia.  Loks deila aðrir 6 kylfingar 11. sæti á samtals 5 undir pari, þ.á.m. Nicolas Colsaerts og Lee Westwood.

Til þess að sjá stöðuna á Thailand Golf Championship SMELLIÐ HÉR: