Asíutúrinn: Ernie Els og John Daly spila á CIMB Niaga Indonesian Masters 2013

Sigurvegari Opna breska 2012, Ernie Els og sleggjan og tvöfaldur risamótsmeistari John Daly hafa staðfest að þeir muni taka þátt í CIMB Niaga Indonesian Masters, 2013.

Mótið fer fram dagana 2.-5. maí 2014 og verðlaunaféð  er US$750,000.

PT Bank CIMB Niaga Tbk (CIMB Niaga) styrkir mótið 2. árið í röð og hefir skuldbundið sig til þess að stuðla að þróun golfleiksins í Indónesíu.

Els sagði eftirfarandi um þátttöku sína í mótinu í Indónesíu: „Allir, sem þekkja mig, vita að ég elska að spila í Asíu og ég er spenntur að snúa aftur til Indónesíu. Mér fannst reglulega gaman að spila á Balí fyrir mörgum árum og ég er viss um að það að spila í Jakarta á Royale Jakarta golfvellinum mun verða góð reynsla fyrir mig. Leikurinn minn er að komast í form og ég hlakka til að keppa á CIMB Niaga Indonesian Masters 2013.“

Eftirlæti margra golfaðdáenda Daly er einn af mestu persónuleikum golfleiksins og svo sannarlega einn sá litríkasti. Hann kom “grip it and rip it” á golfkortið og mun væntanlega sýna þá takta í  Royale Jakarta golfklúbbnum.

„Mér hefir alltaf þótt gaman að spila nýja velli. Indónesía og Royale Jakarta golfklúbburinn hafa gott orðspor í golfi þannig að ég hlakka til fyrstu ferðar minnar þangað í maí á næsta ári. Ég hlakka líka til að keppa við einhverja bestu kylfinga á Asíutúrnum eins og gamall vinur minn Ernie Els, sem er frábær náungi. Þetta verður frábær vika og vonandi get ég haldið sýningu fyrir aðdáendurna.“ sagði Daly.

Hvað skyldi Daly meina með að halda sýningu?  …… það kemur í ljós í maí á næsta ári og Golf1 mun svo sannarlega fylgjast með!