Aron Snær Júlíusson er sigurvegari Unglingaeinvígisins í Mosfellsbæ

Aron Snær Júlíusson, GKG, er sigurvegari í Unglingaeinvíginu í Kópavogi 2012. Tíu hetjur börðust í dag í rigningunni og hvassviðri á Hlíðavelli í Mosfellsbæ í Unglingamótinu. Mótið er með shoot-out fyrirkomulagi og dettur einn keppandi út á hverri holu og í lokinn voru bara þeir Aron Snær og Birgir Björn Magnússon, GK eftir.

Á úrslitaholunni setti Aron Snær boltann um 2 metra frá holu og náði fugli meðan Birgir Björn yfirsló flötina og fékk skolla. Aron Snær stóð því einn uppi sem sigurvegari í þessu móti, þar sem 30 bestu unglingar landsins hófu keppni og öttu kappi.  Í 3. sæti varð Henning Darri Þórðarson, GK og í því fjórða  Ragnar Már Garðarsson, meistari Unglingaeinvígisins í Mosfellsbæ, 2011.

Allir þátttakendur hlutu veglegar gjafir fyrir þátttökuna.

Hér má sjá úrslit Unglingaeinvígisins í Mosfellsbæ 2012: 

1. sæti  Aron Snær Júlíusson, GKG.
2. sæti  Birgir Björn Magnússon, GK.
3. sæti  Henning Darri Þórðarson, GK.
4. sæti  Ragnar Már Garðarson, GKG.
5. sæti  Emil Þór Ragnarsson, GKG.
6. sæti  Eggert Kristján Kristmundsson, GR.
7. sæti  Guðrún Pétursdóttir, GR.
8. sæti  Egill Ragnar Gunnarsson, GKG.
9. sæti  Kristín María Þorsteinsdóttir, GKj.
10. sæti  Anna Sólveig Snorradóttir, GK.