Ragnheiður Jónsdóttir | desember. 29. 2012 | 20:45

Aron Pálmarsson íþróttamaður ársins – enginn kylfingur meðal 10 efstu í kjöri á íþróttamanni ársins 2012

Nú í kvöld var íþróttamaður ársins 2012 kjörinn í beinni á RÚV.  Þessir hlutu tilnefningar:

Alfreð Finnbogason, atvinnumaður í fótbolta í Heerenveen, Hollandi.

Aron Pálmarsson, atvinnumaður í handbolta í Kiel, Þýskalandi.

Auðunn Jónsson, kraftlyftingamaður úr Breiðabliki.

Ásdís Hjálmsdóttir, spjótkastari úr Ármanni 62,67 setti Íslandsmet.

Ásgeir Sigurgeirsson, atvinnuskytta í  Groß- und Kleinkaliber Hannover.

Gylfi Þór Sigurðsson, atvinnumaður í fótbolta með Tottenham Hotspur.

Íris Mist Magnúsdóttir, fimleikakona úr Gerplu, Evrópumeistari í hópfimleikum.

Jón Margeir Sverrisson, sundmaður og gullmedalíuhafi á Olympíuleikunum.

Kári Steinn Karlsson, langhlaupari úr Breiðabliki.

Þóra Björg Helgadóttir, knattspyrnukona Westham City Wonderers í Ástralíu og Malmö í Svíþjóð og þar áður Breiðablik.

Athygli vekur að enginn kylfingur er meðal 10 efstu, en í fyrra var Ólafur Björn Loftsson, NK, meðal 10 efstu íþróttamanna SMELLIÐ HÉR: 

Heiðurshöll ÍSÍ bættist íþróttamaður nr. 2 þ.e. Bjarni Ásgeir Friðriksson, júdókappi en Vilhjálmur Einarsson var búinn að vera einn í höllinni um drjúgan tíma. Eins varð Vala Flosadóttir, stangarstökkvari fyrsta íslenska konan til að hljóta inngöngu í heiðurshöllina.

Sigurður Þórólfsson var eini kylfingurinn í aðalhlutverki þetta kvöld, sem formaður Samtaka íþróttafréttamanna sem standa ár hvert fyrir kjörinu á íþróttamanni ársins.

Sigurður Elvar Þórólfsson

Sigurður Elvar Þórólfsson, GL.

Sigurður er ágætis kylfingur og er s.s. flestir vita í GL. Hann kynnti m.a. lið ársins 2012:

Kvennalið Breiðabliks í hópfimleikum (Hlutu 22 af 23 atkvæðum)

Þetta er í 56. skipti sem titillinn Íþróttamaður ársins er veittur, en kylfingi hefir aldrei hlotist sá heiður.

Sigurður kynnti jafnframt þann sem hlaut titilinn Þjálfara ársins 2012: Alfreð Gíslason, sem er vel að þeim titli kominn en Aron Pálmarsson tók við verðlaununum f.h. þjálfara síns.

Síðan ljóstraði Sigurður Þórólfsson upp um þá, sem urðu í 3 efstu sætunum:

3. sæti 267 stig Jón Margeir Sverrisson.

2. sæti 279  stig  Ásdís Hjálmsdóttir.

1. sæti 425 stig Aron Pálmarsson, handboltakappi í Kiel, sem er vel að sigrinum kominn.

Aron sagðist í viðtali eftir útnefninguna ekki hafa átt von á þessu, kannski bæði og en sagði að maður mætti ekki hafa of miklar vonir til að vinna titilinn Íþróttamaður ársins.  Aroni fannst afrek Kiel að vinna alla leiki á síðasta ári, vinna síðustu 3 árin með Kiel og fá að vera á Olympíuleikunum standa upp úr 2012. Leikurinn gegn Ungverjum sagði Aron vera mestu vonbrigðin. Aron er 22 ára og aðspurður hvað væri eftir sagði hann ætlaði bara að gera þetta aftur:-)  Eins sagði Aron  ekki enn vera búinn að vinna til gullverðlauna með landsliðinu og það er það sem Aron vill upplifa í framtíðinni.  Það eru 23 í landsliðshópnum og Aron finnst vandræðalegt að vera yngstur.  En Aron fagnar því að hljóta aukna ábyrgð sem fylgir titlinum Íþróttamanni ársins.

Aron er bara í 1 orði – FRÁBÆR.

Aron Pálmarsson – stolt Hafnarfjarðar – TIL HAMINGJU ARON!!!