![](https://www.golf1.is/wp-content/uploads/2014/02/0455952592eaf83c805222d92c1bf8ee-630x630.jpg)
Anna Rún Sigurrósardóttir látin
Kylfingurinn Anna Rún Sigurrósardóttir lést 1. febrúar s.l. á gjörgæsludeild Landspítalans.
Anna Rún var fædd 28. nóvember 1968. Hún var félagi í Golfklúbbi Reykjavíkur (GR) og skólasystir þeirrar er þetta ritar í Menntaskólanum í Reykjavík.
Anna Rún var yfirleitt í verðlaunasæti á opnum golfmótum. Hún vann t.d. til nándarverðlauna á 8. braut á Opna Helenu Rubinstein mótinu uppi á Skaga 9. júlí 2011; var aðeins 0,67 m frá pinna og var t.d. í 7. sæti á Art Deco mótinu á Vatnsleysunni, 6. ágúst sama ár (af 86 þátttakendum).
![Anna Rún (2. f.h.) ásamt holli sínu á Helenu Rubinstein mótinu upp á Skaga, 9. júlí 2011. Mynd: Golf 1](http://www.golf1.is/wp-content/uploads/2014/02/6-HR-300x225.jpg)
Anna Rún (2. f.h.) ásamt holli sínu á Helenu Rubinstein mótinu upp á Skaga, 9. júlí 2011. Mynd: Golf 1
Þegar Eimskip og GSÍ stóðu fyrir Gott Golf mótinu til stuðnings Krafts, 2010, þar sem einungis þeir fengu að taka þátt í mótinu á Flúðum, sem söfnuðu mestum áheitum – þá flaug Anna Rún inn í mótið, en hún sigraði með miklum yfirburðum í áheitakeppninni, sem efnt var til. Hún sagði að móti loknu að hún hefði aðeins óskað þess að geta safnað enn meiru!
Anna Rún var góð ekki bara í golfi heldur líka að öllu öðru leyti. Hún var lágforgjafarkylfingur og það er fréttaritara Golf 1 minnisstætt að Önnu Rún fannst engin minnkun í því að spila við sig, háforgjafarkylfinginn án þess að vera of mikið að segja til eða finna að neinu. Anna Rún var reglulega góður og skemmtilegur spilafélagi og hennar verður sárt saknað.
Golf 1 vottar fjölskyldu og vinum Önnu Rún sína dýpstu samúð. Blessuð sé minning Önnu Rún.
- júlí. 27. 2024 | 09:00 European Young Masters: Ísland í 16. sæti fyrir lokahringinn
- júlí. 27. 2024 | 07:00 Íslandsmót golfklúbba: GV Íslandsmeistari í 2. deild karla
- júlí. 26. 2024 | 23:45 Evrópumót einstaklinga: Íslandsmeistarinn spilar ein íslensku keppendanna lokahringinn
- júlí. 26. 2024 | 23:40 Íslandsmót golfklúbba: GA Íslandsmeistari í 2. deild kvenna
- júlí. 26. 2024 | 23:30 Afmæliskylfingar dagsins: Guðmundur Arason og Lucinda Grímsdóttir – 26. júlí 2024
- júlí. 25. 2024 | 21:00 Afmæliskylfingur dagsins: Erla Pétursdóttir -25. júlí 2024
- júlí. 25. 2024 | 20:30 PGA: Horschel dro sig úr 3M Open
- júlí. 25. 2024 | 20:00 Sports Illustrated með umfjöllun um Arctic Open á Akureyri
- júlí. 24. 2024 | 16:00 Afmæliskylfingur dagsins: Björn Ólafur Ingvarsson – 24. júlí 2024
- júlí. 24. 2024 | 11:00 GKB: Brynhildur og Andri Jón klúbbmeistarar 2024
- júlí. 24. 2024 | 09:00 Íslandsmótið 2024: Aron Emil hlaut Björgvinsskálina
- júlí. 24. 2024 | 07:00 GSE: Lovísa Huld og Hrafn klúbbmeistarar 2024
- júlí. 23. 2024 | 19:00 GVS: Heiður Björk og Helgi klúbbmeistarar 2024
- júlí. 23. 2024 | 17:50 GE: Halldóra Guðríður og Magnús klúbbmeistarar 2024
- júlí. 23. 2024 | 17:00 Íslandsmótið 2024: Hulda Clara sú fyrsta sem fær Guðfinnubikarinn