Andri Þór í 5. sæti eftir 1. dag Dixie Amateur var á 68 höggum – Arnór Ingi lék á 73 höggum

Andri Þór Björnsson, GR og Arnór Ingi Finnbjörnsson GR, taka þátt í Dixie Amateur Championship, sem hófst í gær í Coral Springs, heimabæ Lexi Thompson, í Flórída.

Þetta er stórt og fremur sterkt 72 holu mót (skorið niður eftir 54),sem gefur mörg stig á heimslista áhugamanna.

Þátttakendur eru 240 og spilað er á völlum 3 klúbba: Heron Bay Golf Club,  Palm-Aire Country Club og  Woodlands Country Club.

Það er því einstaklega glæsilegur árangur hjá Andra Þór að vera einn af þeim 10 sem deila 5. sæti í heildina tekið (þ.e. yfir alla 240 keppendurna) og vera einn af 7. sem eru í 5. sæti eftir að hafa spilað golfvöll Heron Bay Golf Club, en keppendum er skipt á golfvelli klúbbanna þriggja. Andri Þór lék á 4 undir pari, 68 höggum.

Arnór Ingi Finnbjörnsson, GR og The Crusaders í Belmont Abbey. Mynd: Golf 1.

Arnór Ingi lék á 1 yfir pari, 73 höggum og er T-18 af þeim sem spiluðu West Course í Woodlands Country Club.

Besta skor dagsins átti Daníel Berger frá Jupiter í Flórída en hann lék á Heron Bay eins og Andri Þór. Berger var á 63 höggum og er forystumaður 1. dags; á 3 högg á bróður Lexi, Curtis Thompson, sem þarna er að spila heimavöll sinn og kom inn á 66 höggum, en af því má m..a. sjá hversu gott skor Andra Þórs er; hann er aðeins 2 höggum á eftir manni sem þekkir Heron Bay út og inn.

Golf 1 óskar Andra Þór og Arnóri Inga góðs gengis í dag á Dixie Amateur!!!

Til þess að sjá stöðuna eftir 1. dag Dixie Amateur SMELLÐ HÉR: