Andrea lauk keppni T-9 á Írlandi

Jóhanna Lea Lúðvíksdóttir (GR) og Andrea Bergsdóttir (GKG) tóku þátt Opna írska meistaramótinu fyrir keppendur 18 ára og yngri.

Keppt var á Roganstown Golf Club rétt utan við Dublin. Keppendur voru alls 114 á þessu móti sem er í háum styrkleikaflokki í þessum aldursflokki.

Sjá má lokastöðu keppenda í mótinu með því að SMELLA HÉR:

Að loknum öðrum keppnisdegi komust 50 efstu keppendurnir í gegnum niðurskurðinn. Keppt var í einstaklings – og liðakeppni á þessu móti.

Andrea náði góðum árangri og lauk keppni T-9 eða í 9.-13. sæti. Hún lék samtals á 13 yfir pari, 226 höggum  (74-77-75). Kajsa Arwefall frá Svíþjóð sigraði á samtals 4 yfir pari. Andrea er í GKG en hún er í búsett í Gautaborg í Svíþjóð og leikur einnig með Hills golfklúbbnum.

Jóhanna Lea er úr Golfklúbbnum í Reykjavík. Hún lék á +22 samtals á fyrstu tveimur keppnisdögunum. Hún komst ekki í gegnum niðurskurðinn.

Mynd og texti: GSÍ