ALPG: Rachel Hetherington snýr aftur í keppnisgolfið

Ástralski kylfingurinn Rachel Hetherington 42 ára, snýr aftur í atvinnumennskuna í golfi, eftir að hafa dregið sig í hlé s.l. 4 ár og eftir 8 titla á LPGA og 62 topp-10 árangra í LPGA mótum.

Á árunum 2001-2004 spilaði Hetherington undir eftirnafni þáverandi eigimanns síns þ.e. Teske, og kannast því margir betur við hana sem Rachel Teske. 

S.l. 4 ár hefir Hetherington verið í barnseignarfríi en hún og núverandi eiginmaður hennar Greg Ritchie eiga 3 ára dóttur, Önnu.

Australian Ladies Professional Golf (skammst.: ALPG) sagði að Hetherington hefði byrjað að vinna með nýjum þjálfara Randall Hollands Smith, s.l. apríl.

Hetherington mun spíla í Ástralíu og vonast til þess að keppa í Australian Ladies Masters og the Women’s Australian Open næstkomandi 2 mánuði.

En hún hefir engin plön að spila aftur á bestu kvenmótaröð heims, bandaríska LPGA, en um það sagði hún m.a.: „Ég myndi sakna fjölskyldunnar og viðskiptavinanna of mikið.“

Hetherington hefir unnið sér inn $5.7 milljónir í verðlaunafé á LPGA ferli sínum.  Þrír titlar hennar komu eftir bráðabana við fyrrum nr. 1 á heimslista kvenna, Anniku Sörenstam.