ALPG & LPGA: So Yeon Ryu leiðir þegar Women´s Australia Open er hálfnað

So Yeon Ryu, sem beið lægri hlut fyrir hinni hollensku Christel Boeljon á RACV Australian Ladies Masters, eftir að vera búin að leiða alla dagana, síðustu helgi, er nú í efsta sæti á Women´s Australia Open á samtals -6 undir pari, samtals 140 höggum (71 69). So Yeon átti alveg eins hring og Tiger á AT&T, þ.e. var með 2 fugla og 1 skolla bæði á fyrri og seinni 9.

Í 2. sæti er landa Ryu, Hee Kyung Seo, aðeins 1 höggi á eftir, samtals -5 undir pari, samtals 141 högi (75 66).

Fjórar stúlkur deila síðan 3. sætinu á -4 undir pari hver: hin enska Melissa Reid, Julieta Granada frá Paraguay og bandarísku stúlkurnar Stacy Lewis og Jessica Korda.

Nr. 1 í heiminum Yani Tseng er dottin úr T-3 í T-10, átti afleitan hring í dag upp á 76 högg (óvanalegt fyrir hana!)… svipað og hin unga 14 ára Lydia Ko, þ.e. sem spilaði líka á 76 höggum í dag og lækkaði sig lítillega úr 32. í 34. sætið. Samt glæsilegt hjá áhugamanninum Ko!

Einn afmæliskylfinga dagsins, Lexi Thompson hækkar sig um heil 13 sæti fer úr T-32 í T-19.

Til þess að sjá stöðuna þegar Women´s Australia Open er hálfnað smellið HÉR: