Ragnheiður Jónsdóttir | febrúar. 9. 2013 | 08:45

ALPG & LET: Lydia Ko deilir 1. sætinu ásamt Seon Woo Bae eftir 2. dag NZW Open

Lydia Ko, hin 15 ára nr. 1 á heimslista áhugamanna komst í 1. sætið á ISPS Handa New Zealand Women’s Open í morgun.

Lydia deilir forystunni með Seon Woo Bae frá Suður-Kóreu. Í dag var mun skaplegra veður til golfleiks og Ko skilaði hring upp á 4 undir pari, 68 högg, en á honum litu m.a. dagsins ljós örn, 3 fuglar og 1 skolli.

Ko var mjög ánægð með leik sinn en hún sagði m.a. eftir hringinn: „Ég hef verið að spila ansi vel, ég vona bara að ég geti haldið áfram að spila eins og ég hef spilað s.l. tvo daga.“

Bae sló gamla vallarmetið í Clearwater golfklúbbnum, átti glæsilegan hring í morgun upp á 8 undir pari, 64 högg. Hún fékk hvorki fleiri né færri en 9 fugla!!! (óvanlegt í kvennagolfinu) og eina höggið sem hún missti var á par-4 7. brautinni þar sem hún fékk skolla.

Aðeins 1 höggi á eftir forystukonunum (telpunum’) er hin ítalska Giulia Sergas (68), sem er farið að lengja eftir 1. sigri sínum á atvinnumannsferlinum. Það væri sætt eftir að hafa fengið víti fyrir hægan leik fyrir 2 árum í Pegasus golfklúbbnum, en þar leiddi hún eftir 2 hringi og varð af sigrinum sökum vítisins, sem féll Kristie Smith í skaut.

Til þess að sjá stöðuna eftir 2. dag NZW Open SMELLIÐ HÉR: