Ragnheiður Jónsdóttir | apríl. 3. 2013 | 11:00

Ákvarðanir R&A um reglu 6-3 a – (5. grein af 5)

Þórður Ingason, alþjóðadómari ræddi á fundinum um „5 mínútna regluna“ svokölluðu, þ.e. reglu 6-3a í golfreglum R&A. Reglan gengur út á að ef kylfingur mætir allt að 5 mínútum of seint á teig eigi hann ávallt rétt á að hefja leik gegn viðurlögum upp á 2 högg í víti. Mæti hann seinna sætir hann frávísun, þ.e. mæti kylfingur meira en 5 mínútum of seint hlýtur hann frávísunarvíti.

Á reglu 6-3 a er undantekning. Þ.e. mótsnefnd (hér nefnd Nefndin) getur ákveðið að ekki skuli koma til þessara 2 högga í víti mæti kylfingur allt að 5 mínútum of seint, eigi sérstök undantekningartilvik við um kylfing, sem hafi orðið þess valdandi að hann mætti of seint á teig. Þessi undantekningtilvik eru túlkuð mjög þröngt.

Meðal efnis í ræðu Þórðar voru 5 nýlegar ákvarðanir R&A um túlkun á 5 mínútna reglunni. Golf 1 hefir þegar fjallað um fjórðar af þessum 5 ákvörðunum R&A og hér fer síðasta ákvörðunin sem til umræðu er, þ.e. nr. 5.

Úrlausnarefni ákvarðananna eru settar fram í spurnarformi og síðan ákvörðunin/reglan gefin í svari við spurningunni.

Spurning:
Í höggleikskeppni eiga A, B og C rástíma kl. 09:00. Allir leikmenn eru komnir á teig kl. 08:56.  Án þess að hafa fengið heimild ræsis slær A kl. 8:58, B kl. 8:59 og C kl. 9:00. Hvernig dæmist?
Svar:
Nema að Nefndin komist að þeirri niðurstöðu að leikmenn hafi byrjað of snemma af völdum mistaka Nefndarinnar eða fulltrúa hennar þá hljóta A og B frávísunarvíti fyrir að hafa ekki byrjað á rástíma sínum. En þar sem það er staðreynd að þeir sem hefja leik innan 5 mínútna eftir rástíma sinn fá 2 högg í víti, þá gildir hið sama um þá sem hefja leik 5 mínútum of snemma töldum frá rástíma sínum.  Því ætti nefndin sbr. reglu 33-7 að breyta frávísunarvíti sínu i 2 högga víti, nema að góð ástæða sé til annars þ.e. að leikmenn hafi hunsað bein fyrirmæli frá Nefndinni að byrja ekki fyrir kl. 9:00. C hlýtur ekki víti þar sem hann hóf leik kl. 9:00, sem var rástími hans.