Afrekskylfingurinn Hilmar Snær keppir f. Íslands hönd á Vetrarólympíuleikunum

Hilmar Snær Örvarsson afrekskylfingur úr GKG er fjölhæfur íþróttamaður.

Hilmar Snær er eini keppandinn frá Íslandi á Vetrarleikunum á Ólympíumóti fatlaðra sem fram fer í PyeongChang í Suður-Kóreu. Hilmar Snær, sem er 17 ára gamall, var fánaberi á opnunarhátíðinni.

Hilmar er fjórði Íslendingurinn sem keppir á Vetrar-Paralympics og líka sá yngsti.

Hilmar Snær keppir í svigi þann 14. mars næstkomandi og svo í stórsvigi þann 17. mars.

Hilmar Snær fékk krabbamein í fótinn í byrjun árs 2009 og er hann með gervifót fyrir neðan hné á vinstra fæti. Hilmar Snær hefur keppt á Íslandsbankamótaröðinni og Eimskipsmótaröðinni með góðum árangri. Þess má geta að hann er með um 5 í forgjöf.

Golf 1 sendir Hilmari Snæ bestu óskir um gott gengi!!!

Mynd og texti (að síðustu línu undanskilinni): GSÍ