Valdís Þóra Jónsdóttir, GL, Íslandsmeistari í höggleik kvenna 2012 – en mótið fór fram á Strandarvelli – Hellu. Mynd: Golf 1
Ragnheiður Jónsdóttir | desember. 4. 2012 | 12:00

Afmæliskylfingur dagsins: Valdís Þóra Jónsdóttir – 4. desember 2012

Afmæliskylfingur dagsins er Íslandsmeistarinn í höggleik kvenna 2012 – Valdís Þóra Jónsdóttir.  Hún er fædd 4. desember 1989 og er því 23 ára í dag.  Valdís tryggði sér Íslandsmeistaratitilinn í höggleik á Hellu með lokapúttinu og samtals skori upp á 13 yfir pari, 293 höggum  (71 75 72 75) í lok júlí 2012.  Golf 1 tók viðtal við Valdísi Þóru fyrir lokadag mótsins sem rifja má upp með því að SMELLA HÉR: 

Valdís Þóra slær upphafshögg sitt á Íslandsmótinu í höggleik 2012. Mynd: Golf 1

Auk þess að vera Íslandsmeistari í höggleik er Valdís Þóra klúbbmeistari Golfklúbbsins Leynis í ár.

Valdís Þóra Jónsdóttir, GL, ásamt Helga Dan – klúbbmeistarar GL 2012.

Valdís Þóra er í afrekshóp GSÍ völdum af Úlfari Jónssyni, landsliðsþjálfara. Hún spilar golf með golfliði Texas State í bandaríska háskólagolfinu og er sem stendur í 411. sæti á heimslista áhugamanna.

Af erlendum mótum, sem Valdís Þóra keppti á fyrir Íslands hönd á árinu mætti t.a.m. nefna Finnish Amateur Championship, 16.-18. ágúst s.l. Þar varð hún í 7. sæti, sem er ágætis árangur!

Valdís Þóra (2. f.v.) ásamt öðrum íslenskum þátttakendum á Finnish Amateur Championship

Eins tók Valdís Þóra þátt í HM kvennalandsliða áhugamanna í Tyrklandi í september s.l.

Loks má sjá viðtal, sem Golf1 tók við Valdísi Þóru nú á árinu SMELLIÐ HÉR: 

Komast má á facebook síðu afmæliskylfingsins til þess að óska henni til hamingju með daginn hér að neðan:

Valdís Þóra Jónsdóttir (23 ára – Innilega til hamingju með afmælið!!!)

Aðrir frægir kylfingar sem eiga afmæli í dag eru: Pam Higgins, 4. desember 1945 (67 ára); Mary Bea Porter-King, 4. desember 1949 (63 ára); Costantino Rocca, 4. desember 1956 (56 ára); Wesley Earl Short, Jr., 4. desember 1963 (49 ára) ….. og ……

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is