Afmæliskylfingur dagsins: Valdís Þóra Jónsdóttir – 4. desember 2011

Það er Valdís Þóra Jónsdóttir, GL og Texas State, sem er afmæliskylfingur dagsins. Valdís fæddist 4. desember 1989 og er því 22 ára í dag. Afrek hennar verða ekki tæmandi talin í stuttri afmælisgrein og aðeins tæpt á nokkrum. Valdís er t.a.m. klúbbmeistari GL 2011, sem og mörg ár á undan.

Valdís Þóra klúbbmeistari GL 2011 - ásamt Helga Dan, sem sigraði karlaflokkinn.

Valdís Þóra tók þátt í nokkrum opnum mótum á árinu m.a. Miðnæturmóti Norðuráls hjá GL, þar sem hún sigraði höggleikinn glæsilega var á -4 undir pari, 68 höggum á Garðavelli. Valdís var snemma á árinu valin íþróttamaður Akraness árið 2010, enda varð hún það ár m.a. Íslandsmeistari í holukeppni á heimavelli sínum.  Alls hefir Valdís Þóra hlotið þá nafnbót 4 sinnum (2007-2010). Árið á undan, 2009, varð Valdís Þóra Íslandsmeistari í höggleik.

Golf 1 óskar afmæliskylfingnum innilega til hamingju með afmælið!

Aðrir frægir kylfingar sem eiga afmæli í dag eru m.a.: Pam Higgins, 4. desember 1945 (66 ára); Mary Bea Porter-King, 4. desember 1949 (62 ára); Björn T. Hauksson, 4. desember 1956 (55 ára); Costantino Rocca, 4. desember 1956 (55 ára);  Wesley Earl Short, Jr., 4. desember 1963 (48 ára); Brynja Herborg Jónsdóttir, 4. desember 1978 (33 ára); Jósep Þorbjörnsson, 4. desember 1966 (45 ára); Petrea Sigmundsdóttir, 4. desember 1989 (22 ára).

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is