Afmæliskylfingur dagsins: Sir Patrick Moore – 4. mars 2013

Afmæliskylfingur dagsins er Sir Patrick Alfred Caldwell-Moore, CBE, FRS, FRAS. Hann var fæddur 4. mars 1923 og hefði því átt 90 ára merkisafmæli í dag, en hann dó 9. desember 2012. Moore var áhugamaður um stjörnufræði og var þekktur rithöfundur á því sviði, rannsóknarmaður, útvarps-og sjónvarpsmaður.

Patrick Moore

Moore var forseti British Astronomical Association, og einn af stofnendum og forseti the Society for Popular Astronomy (SPA) og auk þess höfundur 70 bóka um stjörnufræði og þáttastjórnandi í þeim þætti sem gekk lengst í sjónvarpi í heiminum um stjörnufræði á BBC: The Sky at Night. Hann var sérfræðingur í athugunum á tunglinu og fyrir að búa til Caldwell skrána. Hann var áhugamaður í krikkett og golfi og spilaði skák. Hann skrifaði einnig nokkrar skáldsögur.  Moore var þekktur andstæðingur refaveiða á Englandi, mikill andstæðingur Evrópusambandsins, stuðningsmaður litla breska sjálfstæðisflokksins (UK Independence Party). Moore var í konunglega breska flughernum (Royal Air Force) í 2. heimstyrjöldinni, en í því stríði dó kæresta hans og hann kvæntist aldrei.

Sir Patrick Moore ferðaðist mikið (m.a. kom hann til landa í öllum 7 heimsálfunum og til Suðurskautlandsins)  og sagði hann að Ísland og Noregur væru uppáhaldslönd sín í öllum heiminum! Í desember s.l. missti Ísland því einn einlægasta aðdáanda sinn og golfheimurinn, einn af mörgum áhugakylfingum.

Sir Patrick Moore

Aðrir frægir kylfingar sem eiga afmæli í dag eru: Pamela Barton, f. 4. mars 1917 – d. 13. nóvember 1943;  Judy Dickinson, 4. mars 1950 (fyrrum LPGA kylfingur – 63 ára); Peter Erling Jacobsen, 4. mars 1954 (59 ára);  Roger Wessels, 4. mars 1961 (suður-afrískur kyfingur – 52 ára);  Ian David Garbut, 4. mars 1972 (41 árs); Jerod A. Turner 4. mars 1975 (38 ára); Helgi Dan Steinsson, GL 4. mars 1976 (37 ára); Kim Welch, 4. mars 1983 (30 ára stórafmæli!!! – nýliði á LPGA – sjá kynningu Golf 1 á henni með því að SMELLA HÉR: ) ….. og ……

Golf 1 óskar öllum kylfingum, sem afmæli eiga í dag, innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is