Ragnheiður Jónsdóttir | desember. 18. 2020 | 16:00

Afmæliskylfingur dagsins: DJ Trahan og Shin Ae Ahn —— 18. desember 2020

Afmæliskyfingar dagsins eru tveir: DJ Trahan og  Shin Ae Ahn frá Suður-Kóreu.

DJ Trahan fæddist 18. desember 1980 og á því 40 ára stórafmæli í dag. Hann á í beltinu 2 sigra á PGA Tour og 1 sigur á Korn Ferry Tour. Besti árangur hans í risamóti er T-4 árangur á Opna bandaríska árið 2008. Sjá má eldri kynningu Golf 1 á Trahan með því að  SMELLA HÉR: 

Shin Ae Ahn

Shin Ae Ahn fæddist 18. desember 1990 og á því 30 ára stórafmæli í dag. Hún vakti verðskuldaða athygli á Evían Masters mótinu, í Évian-Les-Bains, í Frakklandi, 2011. Þessi geðþekka, unga stúlka frá Suður-Kóreu deildi efsta sætinu þar með sér reyndari og þekktari kvenkylfingum, flesta dagana, sem mótið fór fram (‎m.a. Karen Stupples og Mariu Hjorth) og gekk mun betur en heimsþekktum kvenkylfingum, (s.s. Paulu Creamer, Cristie Kerr og Yani Tseng.)

Shin Ae Ahn spilaði fyrsta tímabilið sitt á KLPGA árið 2009 og átti mjög gott ár sem nýliði. Hún var 4 sinnum meðal 10 efstu og var í 21. sæti á peningalistanum í Suður-Kóreu. Það var nógu góður árangur til þess að hún var valin nýliði ársins á KLPGA árið 2009.

Í High One Resort SBS Charity Women´s Open var hún jöfn Hyun Hee Moon, sem hún sigraði síðan í umspili. Allt í allt var Shin Ae Ahn 8 sinnum meðal tíu efstu árið 2010 og lauk árinu í 3. sæti á peningalista KLPGA.

En það var fyrst í 2012 sem hún blómstraði almennilega á KLPGA, þá sigraði hún fyrsta mótið sitt seint í júlí, þ.e. Hidden Valley Women´s Open.

 

Shin Ae Ahn

Á árinu 2013 vann hún 2. mótið sitt og síðan náði hún 4. sæti í næsta mótinu.

Einn helsti styrktaraðili Shi Ae Ahn er íþróttafataframleiðandinn franski Le Coq Sportif (en fyrirtækið var stofnað 1882 af Émile Camuset) og er geysisterkt …. líkt og Shin Ae Ahn.

Afmæliskylfingurinn Shin Ae Ahn er 21 árs í dag!

Afmæliskylfingurinn Shin Ae Ahn er 26 ára í dag!

Aðrir frægir kylfingar sem eiga afmæli í dag eru m.a.: Hubie Green, 18. desember 1946 (74 ára); Charles Christopher Rymer, 18. desember 1967 (53 ára); Joanne Mills, 18. desember 1969 (51 ára); Páll Marcher Egonsson (49 ára); DJ Trahan, 18. desember 1980 (40 ára); Katrin Erla Kjartansdottir og Dy Perished ….. og …… 

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is