Afmæliskylfingur dagsins: Seve Benson – 4. nóvember 2011

Seve Benson fæddist 4. nóvember 1986 í Guildford, Surrey og á því 25 ára afmæli í dag. Hann er skírður í höfuðið á golfgoðsögninni. Seve Ballesteros. Sem áhugamaður var hann hluti af Elite A Squad breska golfsambandsins og sigraði áhugameistaramótin í Qatar og Rússlandi. Hann náði niðurskurði í atvinnumannamótum þessara þjóða varð T-58 á Qatar Masters og T-10 á Opna rússneska.

Seve gerðist atvinnumaður í lok árs 2007. Hann reyndi að fá þátttökurétt með því að taka þátt í Q-school 2007 en missti af sæti á túrnum eftir 72 holuna, en var búinn að tryggja sér keppnisrétt á Áskorendamótaröðinni 2008. Seve vann fyrsta sigur sinn sem atvinnumaður á PGA EuroPro Tour þ.e. á Wensum Valley International Open mótinu í maí 2008. Síðar í sama mánuði sigraði hann í fyrsta sinn á Áskorendamótaröðinni þ.e. á Piemonte Open, 17. maí 2008 og síðan í annað sinn í ágúst sama ár þ.e. á Ypsilon Golf Challenge. Þetta varð til þess að hann varð í 6. sæti á peningalistanum og fékk kortið sitt á Evróputúrinn 2009.  Eftir fyrsta fulla keppnistímabil sitt á Evróputúrnum lauk hann keppni í 120. sæti á peningalistanum og var sá síðasti til að fá kortið fyrir 2010 keppnistímabilið. Hann spilaði líka á Evróputúrnum 2011 – besti árangur hans í ár er 16. sætið á KLM mótinu. Sem stendur er afmæliskylfingurinn okkar í 709 sætinu á heimslistanum.

Golf 1 óskar öllum afmæliskylfingum  til hamingju með afmælið!

Aðrir frægir kylfingar sem eiga afmæli í dag: Aðalheiður L Aðalsteinsdóttir, f. 4. nóvember 1964.

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is