Afmæliskylfingur dagsins: Rafa Cabrera Bello – 25. maí 2019

Afmæliskylfingur dagsins er Rafael Cabrera-Bello frá Kanarí-eyjum. Hann fæddist í Las Palmas 25. maí 1984 og á því 35 ára afmæli í dag. Hann byrjaði að spila golf 6 ára og spilar á Evróputúrnum í dag. Hann hefir tvívegis sigrað á Evróputúrnum í fyrra skipið á Austrian Golf Open, 20. september 2009 og í það síðara á Omega Dubai Desert Classic mótinu, 12. febrúar 2012. Rafael á eina systur, Emmu, sem spilaði á Evrópumótaröð kvenna (LET= Ladies European Tour) og bæði eru þau í Maspalomas golfklúbbnum heima á Kanarí.

Hann komst m.a. í fréttirnar 2013 þegar farangri hans var stolið þegar hann var á leið frá Sviss til Malasíu þar sem hann ætlaði að taka þátt í Maybank Malaysia Open.

Aðrir frægir kylfingar sem eiga afmæli í dag eru: Robert A. Shearer, 25. maí 1948 (71 árs); Donald Albert Weibring Jr., 25. maí 1953 (66 ára); Amy Reid, 25. maí 1962 (57 ára); Melissa McNamara 25. maí 1966 (53 árs); Debbi Miho Koyama, 25. maí 1968 (51 árs); Einar Gudjonsson, 25. maí 1971 (48 ára); Christian Nilsson, 25. maí 1979 (40 ára STÓRAFMÆLI!!!) og Uthlid Iceland Cottages, 25. maí 1991 (28 ára)

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is