Afmæliskylfingur dagsins: Phillip Price- 21. október 2011

Velski kylfingurinn John Phillip Price er afmæliskylfingur dagsins í dag. Phillip fæddist 21. október 1966 í Pontypridd og er því 45 ára í dag.  Hann gerðist atvinnumaður í golfi 1989 og hefir á ferli sínum sigrað 4 sinnum, þar af 3 sinnum á Evróputúrnum.   Hann komst á Evróputúrinn keppnistímabilið 1991 eftir að hafa komist í gegnum Q-school 1990. Besta ár hans á túrnum var 2000 þegar hann varð í 8. sæti yfir bestu kylfinga túrsins (Order of Merit). Annað skipti tókst honum að verða meðal 10 bestu 2003, þegar hann varð í 10. sæti.

Hann reyndi fyrir sér á PGA 2005, en gekk ekki nógu vel og var kominn aftur til Evrópu 2006. Phillip hefir verið meðal topp 50 á heimslistanum.  Phillip átti m.a. sæti í Ryder Cup liði Evrópu 2002 og vann Phil Mickelson á lokadeginum í tvímenningi og tryggði Evrópu ómetanlegt stig og sögulegan sigur 15 1/2 – 12 1/2 á Belfry.

Aðrir frægir kylfingar sem eiga afmæli í dag eru: Willy Anderson, 21. október 1879;  Jimmy Anderson, f. 21. október 1910 – d. janúar 1986); Jarrod Lyle, 21. ágúst 1981 (30 ára).

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is