Afmæliskylfingur dagsins: Ottó Sigurðsson – 15. nóvember 2013

Afmæliskylfingur dagsins er Ottó Sigurðsson. Ottó er fæddur 15. nóvember 1979 og er því 34 ára í dag. Ottó er afrekskylfingur í Golfklúbbi Kópavogs og Garðabæjar (GKG). Hann hefir æft golf frá árinu 1993, þ.e. frá 14 ára aldri.  Hann var m.a. skráður í PGA á Íslandi  og því atvinnumaður í golfi 2007-2009. Hann hefir staðið sig geysivel í fjölmörgum opnum mótum og mætti sem dæmi nefna glæsilegan sigur hans í ZO-ON mótinu 19. júní 2010, þegar hann spilaði Hvaleyrina á -5 undir pari, 66 höggum. Aðeins 3 vikum áður sigraði Ottó höggleikinn á Vormóti Hafnarfjarðar og svo mætti sem dæmi nefna sigur hans á 1. maí móti GHR 2008.

Ottó á fastasæti í karlasveit GKG í sveitakeppnum GSÍ og varð m.a. Íslandsmeistari með sveit GKG 2012.

Hér á árum áður átti Ottó jafnframt fastasæti í golflandsliðinu, enda með betri kylfingum landsins.

Hann spilaði á úrtökumóti í von um að komast á Evrópumótaröðina árið 2007, en hafði því miður ekki árangur sem erfiði.

Eftirminnilegt  er  þegar Ottó varð Íslandsmeistari í holukeppni 2007, en á úrslitahringnum gerði hann sér lítið fyrir og fór holu í höggi á 13. braut.

Ottó Sigurðsson var valinn íþróttamaður Garðabæjar 2000, en það ár átti hann m.a. 3 vallarmet hérlendis: 67 högg á Jaðarsvelli (GA); 62 högg á Gufudalsvelli (GHG) og 71 högg á gamla vellinum í Leirdalnum (GKG).

Komast má á facebook síðu afmæliskylfingsins til þess að óska honum til hamingju með daginn hér að neðan:

Aðrir frægir kylfingar sem eiga afmæli í dag eru:    Edward Loar, 15. nóvember 1977 (36 ára);  Lorena Ochoa 15. nóvember 1981 (32 ára);   Joakim Lagergren, 15. nóvember 1991 (22 ára);  ….. og …..

Félag einstæðra foreldra (44 ára)

Sóley Kristmundsdóttir (23 ára)

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is