Ragnheiður Jónsdóttir | júlí. 28. 2022 | 16:00

Afmæliskylfingur dagsins: Nelly Korda – 28. júlí 2022

Það er Nelly Korda, sem er afmæliskylfingur dagsins. Nelly Korda er fædd 28. júlí 1998 í Bradenton, Flórída og er því 24 ára í dag. Hún átti töfrum líkast golfár 2021, sigraði þá á fyrsta risamóti sínu, Women´s PGA Championship (27. júní 2021) og eins sigraði hún vikunni þar áður í Mejer Classic og á Gainbridge LPGA at Boca Rio, í 28. febrúar 2021.

Nú í ár hefir ekki gengið eins vel. Sigrar hennar í fyrra voru alls 4, þeir mestu á einu ári hjá Nelly í fyrra, en í ár hefir henni enn ekki tekst að sigra í neinu móti. Veikindi hafa plagað hana nú í ár, en í maí greindist hún með blóðtappa í vinstri handlegg og gekkst undir skurðaðgerð.

Alls eru atvinnumannssigrar Nelly orðnir 10, þar af 7 á LPGA.

Nelly er dóttir tennisleikaranna Reginu og Petr Korda og hún á tvö systkini golfdrottninguna Jessicu Korda og bróðurinn og tennisstirnið Sebastian. Frá árinu 2019 hefir Nelly verið á föstu með kanadíska NHL leikmanninn Andreas Athanasiou, sem spilar íshokkí með the Los Angeles Kings.

Nelly og kærastinn Andreas Athanasiou

Aðrir frægir kylfingar sem eiga afmæli í dag eru: Hinrik Hilmarsson, GR, 28. júlí 1958 (hefði orðið 64 ára); Marta Guðjónsdóttir, 28. júlí 1959 (63 ára); Árný Lilja Árnadóttir, GSS, 28. júlí 1970 (52 ára) Steven Craig Alker, 28. júlí 1971 (51 árs); Þórdís Lilja Árnadóttir, 28. júlí 1973 (49 ára); Amy Yang, 28. júlí 1989 (33 ára); Moriya Jatanugarn, 28. júlí 1994 (28 árs); Nelly Korda, 28. júlí 1998 (24 ára) ….. og ……

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is