Afmæliskylfingur dagsins: – Melodie Bourdy – 26. október 2011

Það er franski LET kylfingurinn Melodie Bourdy, „Birdie Bourdy” sem er afmæliskylfingur dagsins í dag. Melody fæddist í Frakklandi 26. október 1986 og er því 25 ára í dag.  Hún komst í gegnum Q-school LET, sem fram fór í desember 2010 á La Manga golfvellinum á Spáni. Þar varð hún í 28. sæti og hefir því spilað á Evróputúr kvenna þetta keppnistímabil.

Melodie byrjaði í golfi 6 ára gömul og er í golfklúbbnum Golf Bordelais. Hún á bróður, Gregory, sem spilar á Evróputúr karla. Meðal helstu áhugamála afmæliskylfingsins okkar eru bíóferðir og að verja tíma með vinum sínum.

Aðrir frægir kylfingar sem eiga afmæli í dag eru m.a.:  Mark Bucek, f. 26. október 1961  (50 ára); Helga Jóhannsdóttir, GK, 26. október 1963;  David Miley f. 26. október 1966 (45 ára); Anton Ingi Þorsteinsson, GA, 26. október 1975 (31 árs).

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is