Afmæliskylfingur dagsins: Kristín Aðalsteinsdóttir – 22. desember 2011

Það er Kristín Aðalsteinsdóttir, GSE, sem er afmæliskylfingur dagsins, en hún er fædd 22. desember 1972. Kristín er tiltölulega nýbyrjuð í golfi og hefir frá upphafi verið í golftímum hjá Jóni Karlssyni. Hún tók þátt í nokkrum opnum mótum í sumar með góðum árangri  m.a. kvennamóti GSE, sem fram fór 14. júlí s.l. Þrátt fyrir tiltölulega stuttan feril hefir Kristín spilað víða erlendis m.a. á Spáni nú í haust og í Golfclub Ozo í Lettlandi. Með fullu starfi hjá Hópbílum þjálfar Kristín 5. flokk stelpna í handbolta hjá ÍR.

Kristín er gift Val Benedikt Jónatanssyni, ritstjóra og eiga þau 2 börn: Hrafnhildi Völu, 8 ára og Gísla Hrafn, 5 ára.

Golf 1 óskar  afmæliskylfingnum innilega til hamingju með afmælið!

Aðrir frægir kylfingar sem eiga afmæli í dag eru m.a.:  Charles Edward Sands, 22. desember 1865, Jan Stephenson, 22. desember 1951 (60 ára);  Yuta Ikeda, 22. desember 1985 (26 ára).

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is