Afmæliskylfingur dagsins: Kermit Millard Zarley – 29. september 2011

Afmæliskylfingur dagsins er maður sem ber sama nafn og froskurinn í Prúðuleikurunum – Kermit.  Kermit Millard Zarley Jr. fæddist 29. september 1941 í Seattle, Washington og á því 70 ára stórafmæli í dag.  Á háskólaárum sínum í University of Houston var Kermit í golfliði skólans og meistari í einstaklingskeppni 1962 í NCAA Division I Championships, en leiddi jafnfram lið sitt til sigurs.

Kermit gerðist atvinnumaður í golfi 1963. Á ferli sínum vann hann 6 sinnum þar af tvisvar á PGA og 1 sinni á Champions Tour.  Í þrjár tylftir skipta endaði hann meðal 10 efstu á PGA mótum á 18 ára ferli sínum á túrnum (þ.á.m. var hann þrívegis á topp-10 á risamótum).  Besti árangur Kermit á risamótum var 6. sætið á US Open.

Vegna óvenjulegs nafns afmæliskylfingsins okkar var Zarley oft nefndur „atvinnumaðurinn af tunglinu” (ens.: the Pro from the Moon) eða „Mánamaðurinn” (ens.: Moon Man).  Uppnefnið hlaut hann vegna þess að grínistinn Bob Hope tók eitt sinn viðtal við hann í sjónvarpi og sagði.:„Kermit Zarley, með nafn eins og þetta hlýtur þú að vera atvinnumaðurinn af tunglinu.”

Árið 1965 var Kermit meðal stofnenda Biblíurannsóknarhóps ásamt félögum sínum á PGA, Jim og Babe Hiskey. Hópurinn er enn við lýði í dag og hefir aflað fjár til starfsemi sinnar í gegnum golfið.

Kermit hefir gefið út fjölda trúarlegra bóka (m.a. þá sem er á meðfylgjandi mynd) en þar er fjallað um trúarleg málefni í heiminum, endurkomu Jesú o.fl.  og sumar hafa verið umdeildar. Kermit hlaut heiðursdoktorstitil árið 2001 frá North Park University í Chicago, Illinois.

Afmæliskylfingurinn Kermit, bjó lengst af í Houston, Texas en býr nú í Scottsdale, Arizona.

Til fróðleiks, ef einhver skyldi hafa áhuga, þá eru bækur þær sem Kermit Zarley hefir gefið út eftirfarandi:

▪ The Gospel (1987). Scripture Press. Out-of-print. Til í þýskri þýðingu:–Das Leben Jesu: Die authentische Biographie (1991). Hanssler.

▪ The Gospels Interwoven (1987). Scripture Press. Endurútgefið af  Wipf & Stock (2001). ISBN 1-57910-775-3.

▪ Palestine Is Coming: The Revival of Ancient Philistia (1990). Hannibal Books. Endurútgefið af Wipf & Stock (2005). ISBN 1-55635-181-X.

▪ The Third Day Bible Code (2006). Synergy Books. ISBN 1-933538-43-0.

▪ Warrior from Heaven (2009). Synergy Books. ISBN 0-9815462-2-6.

▪ The Restitution of Jesus Christ[1]. Zarley gaf bókina út sjálfur. Ekkert ISBN.

Aðrir frægir kylfingar sem eiga afmæli í dag eru m.a.:

Kelly Robbins, f. 29. september 1969  (42 ára); Berglind Björnsdóttir, GR, f. 29. september 1992 (19 ára)