Afmæliskylfingur dagsins: Jerry Kelly – 23. nóvember 2011

Jerome Patrick (Jerry) Kelly fæddist 23. nóvember 1966 í Madison Wisconsin og er því 45 ára í dag. Hann útskrifaðist frá University of Hartford 1989 og gerðist atvinnumaður í golfi það ár. Hann komst þó ekki á PGA mótröðina fyrr en árið 1996. Hann á að baki 8 sigra sem atvinnumaður þar af 3 á PGA. Jerry komst á PGA mótaröðina  í kjölfar góðs árangurs hans á Nike Tour 1995, þar sem hann vann 2 mót. Besta árið hans á PGA er 2002, þegar hann var í 4. sæti á peningalista PGA og vann Sony Open í Hawaii og Advil Western Open.  Eins vann Jerry Zürich Classic í New Orleans 2009 með pari á lokholunni en þar með vann hann 3 aðra með 1 höggi (Charlie Wi, Rory Sabbatini og Charles Howell III). Þá voru 7 ár liðin frá síðasta sigri hans. Besti áranugr Jerry á heimslistanum er að vera meðal topp-20.

Kelly spilaði ísknattleik í menntaskóla með Madison East og hefir látið hafa eftir sér að sér finnist það hafa skaðað golfleik sinn vegna þess hversu aggressívur hann var.

Aðrir frægir kylfingar sem eiga afmæli í dag eru m.a.: Helgi Viggósson, 23. nóvember 1960; Katrín Júlíusdóttir, 23. nóvember 1974 og Alison Whitaker , 23. nóvember 1985.

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is