Ragnheiður Jónsdóttir | desember. 20. 2011 | 16:00

Afmæliskylfingur dagsins: Jennifer Song – 20. desember 2011

Það er Jennifer Song sem er afmæliskylfingur dagins. Hún fæddist 20. desember 1989 í Ann Arbor, í Michigan og er því 22 ára í dag. Hún komst á LPGA í gegnum góðan árangur sinn á Futures Tour í fyrra og er 2011 því fyrsta árið hennar á túrnum. Árið 2009 sigraði hún bæði í US Women´s Amateur Public Links og US Women´s Amateur. Hún er 4. kylfingurinn í sögunni til þess að sigra bæði mótin og aðeins önnur af 2 kylfingum til þess að sigra bæði mót sama árið.

Song ólst upp í Suður-Kóreu en fluttist með foreldrum sínum til Bandaríkjanna og er í dag með tvöfaldan ríkisborgararétt.  Í Kóreu var hún í Taejon Christian International School, Daejeon, Korea, þar sem hún þótti framúrskarandi íþróttamaður, var m.a. í kvenfótboltaliði skólans. Eins var hún í landsliði Suður-Kóreu í golfi. Í byrjun árs 2008 lék hún með golfliði University of Southern California í bandaríska háskólagolfinu.

Hún gerðist atvinnumaður strax eftir Curtis Cup 2010 og spilaði á Futures Tour þar sem hún sigraði tvívegis:

Fj. Dags. Mót Sigurskor Munur á næsta mann Í 2. sæti
1 20. júní 2010 Tate & Lyle Players Championship -19 (68-67-65-61=261) 6 högg United States Esther Choe
2 16. ágúst  2010 Greater Richmond Golf Classic -12 (68-70-66=204) Umspil South Korea Jenny Shin

Aðrir frægir kylfingar sem eiga afmæli í dag eru m.a.:  Vilhjálmur Andri Vilhjálmsson, 20. desember 1977 (34 ára).

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is