Afmæliskylfingur dagsins: Hörður Hinrik Arnarson – 9. apríl 2023

Afmæliskylfingur dagsins Hörður Hinrik Arnarson.  Hörður er í Golfklúbbnum Keili, golfkennari og framkvæmdarstjóri hjá GolfSaga ehf.. Hörður fæddist 9. apríl 1967 á Sólvangi í Hafnarfirði og á því 56 ára afmæli í dag.

Hörður byrjaði í golfi 11 ára, árið 1978 vegna þess að foreldrar hans, Örn og Bjarney, fóru út á golfvöll og hann fylgdi þeim.

Hörður var á tímabili aðstoðarmaður landsliðsþjálfara í golfi og hefir ásamt Magnúsi Birgissyni og Ragnhildi Sigurðardóttur kennt þúsundum Íslendinga golf í Portúgal og á Spáni, einkum á Matalascañas og Costa Ballena. Hörður er kvæntur og á 3 börn og eitt fósturbarn: Dag, Einar Örn, Tinnu Alexíu og Söru Margréti.

Aðrir frægir kylfingar sem eiga afmæli í dag eru: Seve Ballesteros, 9. apríl 1957 (hefði orðið 66 ára í dag); Þórunn Einarsdóttir, 9. apríl 1959 (64 ára); Valgerður Pálsdóttir, 9. apríl 1961 (62 ára); Helen Alfredson, 9. apríl 1965 (58 ára); Ingibjörg Birgisdóttir, 9. apríl 1966 (57 ára); Ólöf María Einarsdóttir, GM, 9. apríl 1999 (24 ára) … og …

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is