Afmæliskylfingur dagsins: Hörður Hinrik Arnarson – 9. apríl 2012

Það er Hörður Hinrik Arnarson, GK, golfkennari og framkvæmdastjóri, sem er afmæliskylfingur dagsins. Hörður fæddist 9. apríl 1967 á Sólvangi í Hafnarfirði og er því 45 ára í dag. Hann er í Golfklúbbnum Keili í Hafnarfirði.

Hörður byrjaði í golfi 11 ára, árið 1978 vegna þess að foreldrar hans, Örn og Bjarney, fóru út á golfvöll og hann fylgdi þeim. Í dag er Hörður með 4,7 í forgjöf og er meginmarkmið hans að komast aftur niður í 1 í forgjöf.

Hörður var á tímabili aðstoðarmaður landsliðsþjálfara í golfi og hefir ásamt Magnúsi Bigirssyni kennt þúsundum Íslendinga golf í Portúgal og á Spáni, einkum á Matalascañas og Costa Ballena.  Hörður er kvæntur og á 3 börn og eitt fósturbarn: Dag, Einar Örn, Tinnu Alexíu og Söru Margréti.

Aðrir frægir kylfingar sem eiga afmæli í dag eru:  Seve Ballesteros, f, 9. apríl 1957 – d. 7. maí 2011;  Helen Alfredson, 9. apríl 1965 (47 ára)

…. og…..

• 

  Þórunn Einarsdóttir

  F. 9. apríl 1959 (53 ára)
• 

  Valgerður Pálsdóttir

  F. 9. apríl 1961 (51 árs)
• 

  Ingibjörg Birgisdóttir

  F. 9. apríl 1966 (46 ára)

  Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

  Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is