Henning Darri Þórðarson, GK. Mynd: Golf 1
Ragnheiður Jónsdóttir | júlí. 20. 2014 | 16:00

Afmæliskylfingur dagsins: Henning Darri Þórðarson – 20. júlí 2014

Afmæliskylfingur dagsins er Henning Darri Þórðarson.  Henning Darri er fæddur 20. júlí 1998 og er því 16 ára í dag!!! Henning Darri er í Golfklúbbi Keilis í Hafnarfirði (GK). Hann er nú við keppni á 4. móti Íslandsbankamótaraðarinnar á Strandarvelli á Hellu.

Henning Darri sigraði á 1. maí mótinu á Hellu  2012 og spilaði það ár á Unglingamótaröð Arion banka, þar sem hann varð í 1. sæti á 1. mótinu upp á Skaga á glæsiskori 2 undir pari, samtals 142 höggum (72 70), sem var næstbesta skorið í keppninni allri!

En Henning Darri lét ekki þar við sitja – hann vann líka í flokki 14 ára og yngri á Þverárvelli á Hellishólum þar sem 2. mótið fór fram á Unglingamótaröðinni; hann varð í 4. sæti á 3. mótinu á Korpunni og Henning Darri varð síðan Íslandsmeistari í höggleiki í strákaflokki 2012.

Sigurvegarar á Íslandsmóti í höggleik unglinga 2012 í strákaflokki. F.v.: Helgi Snær Björgvinsson, GK, 3. sæti; Henning Darri Þórðarson, GK, Íslandsmeistari í höggleik í strákaflokki 2012; Fannar Ingi Steingrímsson, GHG, 2. sæti. Mynd: golf.is

Henning Darri Þórðarson, GK, Íslandsmeistari í höggleik í strákaflokki 2012.

Henning Darri varð síðan í 3. sæti á Íslandsmótinu í holukeppni í strákaflokki 2012 þ.e. 5. mótinu:

Fannar Ingi Steingrímsson, í 2. sæti á Íslandsmótinu í holukeppni í strákaflokki 2012. Mynd: gsimyndir.net

Strákaflokkur 2012. Henning Darri (t.h.)

Á 6. og síðasta móti Unglingamótaraðarinnar 2012 varð Henning Darri síðan í 6. sæti.

Henning Darri varð Íslandsmeistari með A-sveit Keilis á Jaðarsvelli 2012:

Íslandsmeistarar í sveitakeppni GSÍ í flokki 15 ára og yngri drengja - A-sveit Golfklúbbsins Keilis í Hafnarfirði, skipuð 4 Íslandsmeisturum. F.v. : Atli Már Grétarsson, Helgi Snær Björgvinsson, Birgir Björn Magnússon (heldur á Íslandsmeistaraverðlaunagripnum), Henning Darri Þórðarson og Gísli Sveinbergsson. Lengst til vinstri er liðsstjóri og þjálfari drengjanna Sigurpáll Geir Sveinsson. Mynd: gagolf.is

Loks mætti geta þess að árið 2012 hlaut Henning Darri Framfarabikar GK.

Golf 1 tók viðtal við Henning Darra sem sjá má með því að SMELLA HÉR: 

Í fyrra, 2013 spilaði Henning Darri á Íslandsbankamótaröðinni og varð í  sigursæti  á 1. mótinu í Þorlákshöfn, þar sem Henning Darri varð í 2.-4. sætinu:

F.v:  Pétur Aðalsteinsson frá Íslandsbanka, Henning Darri Þórðarson, GK í 2.-4. sæti;  Óðinn Þór Rikharðsson, GKG, sigurvegari  Gísli Sveinbergsson, GK 2.-4. sæti og Birgir Björn Magnússon 2.-4. sæti, GK

Henning Darri 2. f.v. Mynd: Golf 1

Henning Darri varð síðan í 8. sæti á 2. mótinu, sem fram fór á Hellu og á 3. mótinu á Leirdalsvelli, sem var Íslandsmótið í holukeppni komst Henning Darri í 8 manna úrslit en tapaði þar fyrir Íslandsmeistaranum Gísla Sveinbergssyni, en gaf sig ekki baráttulaust, en leikur þeirra fór á 21. holu!  Á 6. móti Íslandsbankamótaraðarinnar í fyrra varð Henning Darri síðan Íslandsmeistari í höggleik!

Í desember 2013 hlaut Henning Darri heiðursviðurkenninguna „Bjartasta von GK“.

Í ár, í apríl 2014 sigraði Henning Darri ásamt Benedikt Harðarsyni í Páskapúttmóti Hraunkots.

Síðan hefir Henning Darri aftur leikið á Íslandsbankamótaröðinn. Hann , sigraði á 1. mótinu á Garðavelli og á 2. mótinu á Hlíðarvelli í Mosfellsbæ, en hætti keppni á 3. mótinu;  Íslandsmótinu í holukeppni.

Henning Darri var síðan í íslenska piltalandsliðinu sem varð í 11. sæti á EM piltalandsliða, ekki hvað síst vegna góðrar frammistöðu Hennings Darra.  Mótið fór fram 8.-12. júlí 2014 á Bogstad vellinum, í Osló, Noregi,

Það er vonandi að Henning Darra gangi sem allra best á afmælisdaginn á Hellu!!!

INNILEGA TIL HAMINGJU MEÐ AFMÆLIÐ HENNING DARRI!!! :-)

Aðrir frægir kylfingar sem eiga afmæli í dag eru:   Fred „Butch“ Baird 20. júlí 1936 (78 ára);  Betty Burfeindt, 20. júlí 1945 sigurvegari LPGA Championship (69 ára);  Thomas Cregg Scherrer, 20. júlí 1970 (44 ára);  Sophie Sandolo 20. júlí 1976 (38 ára);  James Bongani Kamte, 20. júlí 1982 (32 ára)  

…… og ……..

 

Þórleifur Gestsson (48 ára)

 
Ragnhildur Rósa Guðmundsdóttir (30 ára stórafmæli – Til hamingju!!!)

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is