Afmæliskylfingur dagsins: Gylfi Sigfússon – 23. febrúar 2013

Afmæliskylfingur dagsins er Gylfi Sigfússon, forstjóri Eimskips. Gylfi er fæddur 23. febrúar 1961 og er því 52 ára í dag. Eimskip er mikill stuðningsaðili golfs á Íslandi og skrifaði Gylfi m.a. fyrir hönd fyrirtækisins  undir stofnsamning Forskots, styrktarsjóðs afrekskylfinga 14. júní 2012. Gylfi spilar sjálfur golf bæði í viðskiptum og sér til ánægju og er félagi í tveimur golfklúbbum hérlendis: Golfklúbbi Reykjavíkur og Golfklúbbi Vestmannaeyja.  Golf 1 tók nýlega viðtal við Gylfa sem sjá má með því að SMELLA HÉR:  

Gylfi er kvæntur Hildi Hauksdóttur og eiga þau tvo syni Gylfa Aron og Alexander Aron, en öll fjölskyldan spilar golf.

Aðrir frægir kylfingar sem eiga afmæli í dag eru: Hlöðver Sigurgeir Guðnason, GKG 23. febrúar 1957 (55 ára) – hann fór m.a. holu í höggi á æfingahring á Víkurvelli hjá GMS í sveitakeppni 2. deildar eldri karla í ágúst 2012); Steve Stricker, 23. febrúar 1967 (hann hafði m.a. betur gegn Nick Watney í gær í 2. umferð Accenture heimsmótsins í holukeppni 1&0 en viðureign þeirra fór á 21. holu); Michael Campell, 23. febrúar 1966 (47 ára á Evróputúrnum); Amelia Lewis, 23. febrúar 1991 (22 ára – spilar á LET) ….. og …..

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is