Ragnheiður Jónsdóttir | nóvember. 8. 2018 | 16:00

Afmæliskylfingur dagsins: Francesco Molinari – 8. nóvember 2018

Afmæliskylfingur dagsins er Francesco Molinari. Molinari er fæddur 8. nóvember 1982 og á því 36 ára afmæli í dag. Árið í ár verður honum eflaust lengi minnisstætt, m.a. vegna þess að hann sigraði á fyrsta og eina risamóti sínu til þessa, Opna breska og var annar af tveimur í teyminu „Moliwood“ þegar hann spilaði saman með Tommy Fleetwood í sigurliði Evrópu í Ryder bikarnum. Hann er jafnframt eini kylfingurinn til þess að ná þeim árangri að sigra allar viðureignir sínar í einni og sömu Ryder bikarskeppni 5-0-0. Molinari hefir verið kvæntur konu sinni Valentinu frá árinu 2007 og þau eiga tvö börn, Tommaso og Emmu. Alls hefir Francesco Molinari sigrað í 9 atvinnumótum þar af 2 á PGA Tour og 6 á Evróputúrnum.

Aðrir frægir kylfingar sem eiga afmæli í dag eru: Luisa Hogar Abuelos Marginados Sma (80 ára MERKISAFMÆLI); Helgi Snorrason, 8. nóvember 1951 (67 ára); Beverly Klass, 8. nóvember 1956 (62 ára); Toshiki Toma, 8. nóvember 1958 (60 ára MERKISAFMÆLI – Innilega til hamingju!!!); Ágústa Sigurðardóttir, 8. nóvember 1959 (59 ára); Anna Kristín Ásgeirsdóttir, 8. nóvember 1959 (59 ára); Dagný Marín Sigmarsdóttir, 8. nóvember 1963 (55 árs); Þórður Þórarinsson, 8. nóvember 1968 (50 ára STÓRAFMÆLI!!!); Thongchai Jaidee, 8. nóvember 1969 (49 ára); Heiðar Davíð Bragason, GHD, 8. nóvember 1977 (41 árs); Kathleen Ekey, 8. nóvember 1986 (32 ára ) – spilar á LPGA; Sebastien Gros, 8. nóvember 1989 (29 ára) ….. og ….. Lisa Amati … og … Sigridur Gudnadottir

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is