Afmæliskylfingur dagsins: Ernie Els – 17. október 2011

Einhver vinsælasti kylfingur okkar tíma, Ernie Els, maðurinn með mjúku sveifluna á afmæli í dag – er 42 ára. Ernie er oft uppnefndur „The Big Easy“ vegna hæðar sinnar, en hann er með hávaxnari kylfingum á túrnum, 1,91 m á hæð.

Ernie gerðist atvinnumaður í golfi 1989 og hefir á löngum og farsælum atvinnumannsferli sínum sigrað 64 sinnum, þ.á.m. 18 sinnum á PGA, 26 sinnum á Evróputúrnum, 1 sinni á japanska PGA, 16 sinnum á Sólskinstúrnum og 14 sinnum í öðrum mótum. Þar af hefir Ernie þrívegis unnið risamót; þ.e. 1994 og 1997 US Open og 2002 á Opna breska.

Ernie var nú í ár, 2011, tekinn í frægðarhöll kylfinga.

Aðrir frægir kylfingar sem eiga afmæli í dag eru:  Blaine McCallister, f. 17. október 1958 (53 ára).

Ef þið viljið koma að stuttri afmælisgrein um kylfing, sem þið þekkið endilega hafið samband við  golf1@golf1.is