Afmæliskylfingur dagsins: Debbie Meisterlin Steinbach – 28. janúar 2023

Það er Debbie Meisterlin Steinbach, sem er afmæliskylfingur dagsins. Debbie er fædd 28. janúar 1953, í Fullerton, Kaliforníu og á því 70 ára merkisafmæli í dag. Hún var í California State (Cal State) University í Fullerton og lék í bandaríska háskólagolfinu. Debbie hóf að spila á LPGA árið 1975 og var besti árangur hennar T-5 árangur á Florida Lady Citrus, árið 1979. Eftir að hún gifti sig keppti hún undir nafninu Steinbach. Eftir að hún hætti keppni hóf hún að kenna golf og er meðal bestu 50 á sínu sviði að mati  Golf for Women Magazine. Hún á enn 8 vallarmet og hefir 11 sinnum farið holu í höggi.

Steinbach er einnig stofnandi og forstjóri kvennagolfnámskeiðafyrirtækisins Venus Golf og höfundur „Venus on the Fairway“, sem undirstrikar líkamlegan og sálrænan mun á körlum og konum í tengslum við golfkennslu og mismunandi kennsluaðferðir sem nauðsynlegar eru fyrir bæði kynin. Fyrirtækið gaf út kennslumynsdband árið 2004 sem heitir Venus on the Fundamentals of Golf. Í úttekt sinni á myndbandinu sagði Arnold Palmer um það: „Debbie hefur einstaka hæfileika til að halda upplýsingum sínum einföldum og gera nám skemmtilegt.  Debbie hefir gefið meira en 5000 einkagolftíma og kennir í The Palms Country Club in La Quinta, Kaliforníu og býr í sömu borg.

Reynsla hennar sem útvarpsmaður er allt frá staðbundnu útvarpi í Coachella-dalnum í Kaliforníu til golffréttaskýringa í sjónvarpi fyrir stöðvarnar NBC-TV og ESPN. Hún hefur einnig verið upplýsingafulltrúi Daiwa, Carbite og GolfGear.

Steinbach er um þessar mundir talsmaður Rally For A Cure, landssamtaka um brjóstakrabbameinsvitund.

Sem Debbie Meisterlin kom hún fram með fjölskyldu sinni í þætti af Family Feud á jóladag 1981. Þau fengu enga peninga  vegna fjölskyldu, sem hélt áfram að vera ósigruð.

Aðrir frægir kylfingar sem eiga afmæli í dag eru:  Nick Price, 28. janúar 1957 (66 ára);  Hafdís Ævarsdóttir, GS, 28. janúar 1958 (65 ára);  Ragnheiður Matthíasdóttir, GSS, 28. janúar 1960 (63 ára); Dagbjört Hanna Sigdórsdóttir, 28. febrúar 1960 (63 ára); Þórður Sigurel Arnfinnsson, 28. janúar 1981 (42 ára); Henrik Stokke, 28. janúar;  El Rincón del Golf,  28. janúar ….. og …..

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is