Afmæliskylfingur dagsins: — Dakoda Dowd — 3. apríl 2013

Afmæliskylfingur dagsins er Dakoda (Koda) Flowie Dowd. Dakoda fæddist 3. apríl 1993 og á því 20 ára stórafmæli í dag. Þann 27. apríl 2006, fyrir 7 árum síðan 24 dögum eftir 13 afmælisdag sinn varð hún yngst til þess að keppa í LPGA móti.  Aldursmet hennar stóð aðeins í 1 ár, þegar Lexi Thompson komst í gegnum úrtökumót og lék á US Women´s Open risamótinu, aðeins 12 ára ung.

Dakoda Dowd

Koda, sem býr í Palm Harbor í Flórída vann meira en 185 titla í unglingamótum. Árið 2006 var hún nr. 1 meðal 12 ára kylfinga í Bandaríkjunum (þ.e. þeirra sem eru í 6. bekk).  Í júní 2008 valdi Golfweek hana meðal 231 fremstu kvenungkylfinga.

Í mars 2006 hlaut Dowd boð styrktaraðila til þess að spila á 1. Ginn Open mótinu á LPGA eftir að athygli fortjóra Ginn Clubs & Resorts, Bobby Ginn, hafði verið vakin á sögu í The Tampa Tribune um Kelly Jo Dowd, móður Koda. Kelly Jo barðist við krabbamein og draumur hennar var að sjá dóttur sína spila í LPGA móti. Eftir að Bobby Ginn bauð Koda að spila í mótinu vakti þátttaka hennar umtalsverða athygli fjölmiðla og mikill fjöldi áhorfenda fylgdist með henni. Henni gekk vel á fyrsta hring, spilaði á 2 yfir pari, 74 höggum. Seinni daginn gekk verr hún var á 82 höggum eða 10 yfir pari og komst ekki í gegnum niðurskurð, varð í 156. sæti af 162 keppendum, sem voru henni gríðarleg vonbrigði, enda ekki smá pressa á öxlum 13 ára stelpu. 

Árið 2007 reyndi Koda að komast á US Women´s Open en komst ekki í gegnum 2. stig úrtökumótsins.

Móðir Koda, Kelly Jo dó úr krabbameini 24. maí 2007. Hér má sjá myndskeið um afmæliskylfinginn Koda Dowd SMELLIÐ HÉR: 

Aðrir frægir kylfingar sem eiga afmæli í dag eru: Dorothy Germain Porter, 3. apríl 1924; Marlon Brando, 3. apríl 1924; Rod Funseth, 3. apríl 1933; Sandra Spuzich, 3. apríl 1937 (LPGA kylfingur); David Moreland IV, 3. apríl 1968 (45 ára).

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is