Afmæliskylfingur dagsins: Charley Hull –——- 20. mars 2020

Afmæliskylfingur dagsins er Charley Hull. Charley fæddist 20. mars 1996 og er því 24 ára í dag. Charley er einn alefnilegasti kylfingur Bretlands. Hún komst fyrst í fréttirnar fyrir u.þ.b. 7 árum, þar sem hún fékk ekki að taka þátt í Curtis Cup vegna þess að hún þáði boð um að keppa á Kraft Nabisco risamótinu og komst þ.a.l. ekki á æfingu með liði Breta&Íra.

Charley var yngst í sigurliði Solheim Cup 2013 og lagði þar sitt lóð á vogarskálarnar. Eins var hún í Solheim Cup liði Evrópu 2015 og 2017.

Charley er með keppnisrétt bæði á LET og LPGA, LPGA eftir þátttöku í Q-school LPGA .

Hún sigraði í fyrsta og eina móti sínu á LET til þessa, þ.e. á Lalla Meryem mótinu á Evróputúr kvenna, 2015. Síðan á Charley sigur á 1 móti LPGA mótaraðarinnar í beltinu þ.e. á CME Group Tour Championship, en þar átti hún 2 högg á So-yeon Ryu með heildarskor upp á 19 undir pari, 269 högg ( 67-70-66-66).

Aðrir frægir kylfingar sem eiga afmæli í dag eru: Herta Kristjánsdóttir, 20. mars 1944 – d. 29. janúar 2014; Kathy Baker Guadagnino, 20. mars 1961 (59 ára);  Arjun Atwal, 20. mars 1973 (47 ára); Sung Ah Yim (임성아), 20. mars 1984 (36 árs); Anna Maggý, 20. mars 1996 (24 ára); Lr Heilsuvörur Snyrtivörur, 20. mars 1967 (53 ára); D-prjón Prjón, 20. mars 1967 (53 ára); Gísli Rúnar Jónsson 20. mars …. og ….

Golf 1 óskar kylfingum, sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is