Ragnheiður Jónsdóttir | desember. 2. 2013 | 23:30

Afmæliskylfingur dagsins: Bjarki Pétursson — 2. desember 2013

Afmæliskylfingur dagsins er Bjarki Pétursson. Bjarki er fæddur 2. desember 1994 og því 19 ára í dag. Hann er afrekskylfingur í Golfklúbbi Borgarness (GB) og m.a. klúbbmeistari GB, 5. árið í röð á þessu ári.

Bjarki var m.a. valinn efnilegasti kylfingur Íslands á lokahófi GSÍ, 10. september 2011. Árið 2011 tók Bjarki þátt  í Duke of York mótinu á Hoylake vellinum hjá Royal Liverpool klúbbnum og náði 16. sæti, sem er góður árangur í ljósi þess að veðrið var að leika keppendur grátt alla dagana. Árið 2011 var Bjarka gott en hann varð Íslandsmeistari í flokki 17-18 ára pilta bæði í holukeppni og höggleik og m.a. kjörinn Íþróttamaður Borgarfjarðar á Íþróttahátíð UMSB í kjölfarið; hann var síðan valinn íþróttamaður Borgarness 3. árið í röð í ár, 2013.

Árið 2012 spilaði Bjarki bæði á Unglingamótaröð Arion banka og á Eimskipsmótaröðinni og það sama er að segja á þessu ári, þ.e. 2013; hann lék bæði á Íslandsbankamótaröðinni og Eimskipsmótaröðinni.   Árið 2012 vann Bjarki 1. mótið á Unglingamótaröðinni uppi á Skaga, sem og 3. mótið í Korpunni.

Bjarki hefir spilað á mótum erlendis í ár m.a. tók hann þátt í Finnish Amateur Championship 2012 og 2013.

Þá er eftirminnilegt þegar Bjarki varð í verðlaunasæti (3. sæti) í einstaklingskeppninni á European Boys Challenge Trophy, sem fram fór í St. Sofia Golf & Spa, í Búlgaríu en mótið fór fram dagana 20.-22. september 2012.

Nú í ár er m.a. eftirminnilegt að Bjarki fór  holu í höggi á 15. braut Islantilla á Spáni, 13. apríl 2013. Eins vann hann nokkur opin mót t.a.m. Opna Nettó mótið á heimavelli sínum Hamarsvelli og sömuleiðis Opna Icelandair Hotels mótið í júlí s.l.

Sjá má viðtal, sem Golf1 tók við afmæliskylfinginn á síðasta ári með því að SMELLA HÉR: 

Komast má á facebook síðu Bjarka til þess að óska honum til hamingju með daginn hér að neðan:

Bjarki Peturson (19 ára – Innilega til hamingju með afmælið!!!)

Aðrir frægir kylfingar sem eiga afmæli í dag eru:  John Matthew Shippen, Jr., (f. 2. desember 1879 – d. 20. maí 1968); Jenny Lee Smith, 2. desember 1948 (65 ára);  Jay Haas, 2. desember 1953 (59 ára); Alexander Čejka, 2. desember 1970 (43 ára);  Marco Ruiz, 2. desember 1974 (39 ára);   ….. og ……

 

Jóhanna Axelsdóttir (70 ára stórafmæli!!! Innilega til hamingju með afmælið!!!)
Logi Bergmann (47 ára)
Ölver Jónsson (43 ára)

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is