Ragnheiður Jónsdóttir | september. 10. 2019 | 16:00

Afmæliskylfingur dagsins: Arnold Palmer —— 10. september 2019

Afmæliskylfingur dagsins er Arnold Palmer. Palmer var fæddur 10. september 1929 en þessi golfgoðsögn hefði átt 90 ára afmæli í dag!!!! Palmer lék í bandaríska háskólagolfinu í sama háskóla og Ólafía Þórunn Kristinsdóttir, GR, þ.e. Wake Forest. Hann sigraði 95 sinnum á ferli sínum, þar af 62 sinnum á PGA Tour og þar af 7 sinnum á risamótum. Eina risamótið sem Palmer tókst aldrei að sigra á var PGA Championship. Af mörgum heiðursviðurkenningum sem Arnie, eins og hann er oftast kallaður, hlaut á ferli sínum mætti geta PGA Tour Lifetime Achievement Award árið 1998 (þ.e. viðurkenningu PGA Tour fyrir ævistarf) og 1974 (fyrir 45 árum síðan) hlaut Arnie inngöngu í frægðarhöll kylfinga (ens.: the World Golf Hall of Fame). Eins hlaut Palmer gullorðu Bandaríkjaþings, en hana fékk hann 12. september 2012.

Aðrir frægir kylfingar sem eiga afmæli í dag eru: Alfreð Viktorsson f. 10. september 1932 (87 ára); Bíóhöllin Akranesi, 10. september 1942 (77 ára); Lundinn Veitingahús í Vestmannaeyjum, 10. september 1945 (74 ára); Larry Gene Nelson, 10. september 1947 (72 ára); Michael Zinni 10. september 1948 (71 árs); Bill Rogers 10. september 1951 (68 ára); Martha Nause, 10. september 1954 (65 ára); Dagný Þórólfsdóttir, 10. september 1958 (61 árs); Robynne Cook, 10. september 1968 (51 árs); Njörður Jóhannsson, 10. september 1975 (44 ára); Þórhallur Hinriksson, 10. september 1976 (43 ára); Steinn Baugur Gunnarsson, NK, 10. september 1984 (35 ára); Lloyd Saltman, 10. september 1985 (34 ára ); Min Seo Kwak, 10. september 1990 (29 ára) …… og …… Hallgrímur Júlíusson

Golf 1 óskar öllum kylfingum sem afmæli eiga í dag innilega til hamingju með afmælið!!!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is