Ragnheiður Jónsdóttir | mars. 20. 2013 | 13:00

Afmæliskylfingur dagsins: Arjun Singh Atwal – 20. mars 2013

Afmæliskylfingur dagsins er Indverjinn Arjun Atwal. Atwal fæddist 20. mars 1983 og á því 30 ára stórafmæli í dag!!!

Atwal fæddist inn í sikha fjölskyldu Harminder Singh Atwal (en pabbi Arjun er þekktur iðnjöfur í Asansol og Kolkata í Vestur-Bengal á Indlandi). Atwal byrjaði í golfi 14 ára og var meðlimur í  Royal Calcutta golfklúbbnum og Tollygunge golfklúbbnum, sem þykja meðal þeirra bestu á Indlandi. Hann var einnig í 2 ár í námi í Bandaríkjunum í  W. Tresper Clarke High School, í Westbury, New York. Eldri bróðir Arjun Atwal,  Govind Singh Atwal er einnig mjög góður kylfingur.

Arjun Atwal gerðist atvinnumaður 1995 og spilar á 3 mótaröðum: bandaríska PGA, Evróputúrnum og Asíutúrnum.  Hann var fyrsti Indverjinn til þess að sigra í móti á bandaríska PGA, en það var Wyndham Championship 22. ágúst 2010, en þar átti hann 1 högg á David Toms.  Alls hefir Arjun Atwal sigrað 11 sinnum í atvinnumannamótum á ferli sínum, en auk framangreinds sigurs hefir hann unnið í 3 mótum á Evrópumótaröðinni, 7 á Asíutúrnum og 1 á Web.com túrnum og 2 öðrum mótum (athugið að mót sem talið er sem sigur á  Evrópumótaröðinni kann einnig að vera talið sem sigur á  Asíutúrnum vegna samvinnu mótaraðanna um mótahald – hér að framan eru 3 mót Arjun því tvítalin).

Arjun Atwal er kvæntur konu sinni Sonu (frá 2000) og eiga þau 2 börn: Ritiku og Krishen.

Aðrir frægir kylfingar sem eiga afmæli í dag eru: Dale Reid, 20. mars 1959 (54 ára); John Merrick, (spilar á PGA Tour) 20. mars 1982 (31 árs);   Sung Ah Yim (임성아), 20. mars 1984 (28 ára), LPGA-kylfingurinn Rebecca Lee-Bentham, 20. mars 1992 (21 árs) LET-kylfingurinn Charley Hull 20. mars 1996 (17 ára) … og …