Afmæliskylfingur dagsins: Alice Bauer – 6. október 2011

Alice Bauer fæddist í dag 6. október 1927 og hefði því orðið 84 ára í dag hefði hún lifað en hún dó 2002 úr krabbameini.

Alice var sú eldri af „Bauer-systrunum”, sem voru dætur atvinnukylfingsins Dave Bauer. Alice var elsta dóttir Dave og henni var lýst þannig af vinum að hún væri „frábær í púttunum, en með óhefðbundna sveiflu.”  Alice var sem barni þvælt sýslu úr sýslu á golfsýningar, sem hún hélt ásamt systur sinni Marlene.

Alice, sem kom frá Eureka í South-Dakota vann fyrsta titil sinn 14 ára á South Dakota Amateur Championship og vann jafnframt þetta ár fyrsta titlil sinn sem framúrskarandi kvenkylfingur South-Dakota.

Bauer fjölskyldan fluttist til Kaliforníu og Alice réði fljótt lögum og lofum á Long Beach Invitational næstu 6 árin, sigraði ár hvert 1944-1949.  Árið 1949 vann hún Southern California Amateur Championship og síðan varð hún og síðan gerðist hún atvinnumaður í golfi 1959 og varð ásamt systur sinni til þess að stofna LPGA . Smám saman þegar þær systurnar spiluðu, þá voru nöfn þeirra þekkt í golfstöðum vegna sögu þeirra sem undrabörn í íþróttinni. Og eins og margar ungar stúlkur, voru þær plataðar til að spila með smá hvatningu.                                                                                                                                                                                                                                                                                                                 Pabbi þeirra sagði þeim t.d. að ef þær væru á ákveðnu skori myndi hann kaupa handa þeim nýju skóna, sem  þær langaði í o.s.frv.” sagði einn félagi þeirra á túrnum síðar. „Þessar stúlkur voru vel þekktar á túrnum, jafnvel fyrir daga LPGA.  Allir sem vissu eitthvað um golf höfðu heyrt um Bauer systurnar.”

Alice sigraði aldrei á LPGA, en hún knúði fram umspil við Marilynn Smith árið 1955 í Heart of America mótinu.  Árið 1956 varð hún 14. á peningalista LPGA.

Hún giftist Bob Hagge, sem skildi við hana og kvæntist síðar systur hennar, Marlene. Hún giftist aftur og tók þátt ásamt Bettlye Danoff í því að ferðast á túrnum ásamt börnum sínum. En líkt og Danoff, þá dró hún úr þátttöku á mótum til að geta verið heima með börnum sínum og kenndi golf í staðinn og spilaði aðeins í fáum mótum ár hvert allt þar til á 8. ágatugnum (1970 og eitthvað).

Seint á ævinni dundaði hún sér við það að búa til skartgripi. Hún bjó í gömlum námabæ í Arizona fjöllunum og reyndi að vinna bug á krabbameininu sem hrjáði hana um langt skeið með óhefðbundum lækningum. Sjúkdómurinn bar hana ofurliði að lokum og hún dó 2002.

Heimild: ladygolfgiftguru

Aðrir frægir kylfingar sem eiga afmæli í dag eru m.a.: Ásdís Helgadóttir, GR, 6. október 1969; Pam Kometani, 6. október 1964, Martha Richards, 6. október 1969, Guðmundur Hilberg Jónsson, GÁ, 6. október 1969;  Birgir Hermannsson, 6. október 1970, Valdís Arnórsdóttir, 6. október 1972.