Afmæliskylfingur dagsins: Raphaël Jacquelin – 8. maí 2012

Afmæliskylfingur dagsins er franski kylfingurinn Raphaël Jacquelin. Raphaël fæddist 8. maí 1974 í Lyon í Frakklandi og er því 38 ára.  Raphaël gerðist atvinnumaður í golfi 1995 eftir að verða franskur meistari.  Raphaël hóf ferilinn á Áskorendamótaröðinni.  Árið 1997 sigraði hann tvívegis og varð í 4. sæti á peningalistanum þannig að hann komst á Evrópumótaröðina 1998.

Það var samt ekki fyrr en í 238. mótinu sem hann tók þátt í á Evrópumótaröðinni að hann vann fyrsta sigur sinn. Það var árið 2005 á Open de Madrid. Hann vann í 2. sinn, 2007 á BMW Asian Open.  Besti árangur hans á stigalista Evrópumótaraðarinnar (Order of Merit) var 20. sætið árið 2003.

Í fyrra vann Raphaël síðan í 3. sinn á Evrópumótaröðinni, þ.e. á Sicilian Open (Opna sikileyska) átti 1 högg á Anthony Wall.  Með þessum sigri komst Raphaël Jacquelin aftur á topp-100 á heimslistanum.  Í dag er hann í 131. sæti heimslistans.

Aðrir frægir kylfingar sem eiga afmæli í dag eru:  Pat Meyers, 8. maí 1954 (58 ára);   Franklin Langham, 8. maí 1968 (44 ára);  Andrew McArthur, 8. maí 1979 (33 ára);  Andrès Romero, 8. maí 1981 – 31 ára – (frá Argentínu); Anton Haig, 8. maí 1986 – 26 ára  (Suður-Afríkani)     ……..   og  ………

Þuríður Guðrún Aradóttir (49 ára)

Handalína Vefnaðarvöruverslun

Jens Gud (56 ára)

Soffia M Gustafsdottir (52 ára)

Sportlíf Í Glæsibæ

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is