Afmæliskylfingur dagsins: Don Bies – 10. desember 2011

Það er Don Bies, sem er afmæliskylfingur dagsins en hann fæddist í Cottonwood, Idaho 10. desember 1937 og er því 74 ára í dag. Bies gerðist atvinnumaður í golfi árið 1957 og hefir spilað bæði á PGA og Senior PGA Tour, sem nú heitir Champions Tour.  Bies sigraði 1 sinni á PGA, en það var árið 1975 þegar hann vann Sammy Davis Jr. – Greater Hartford Open. Jafnframt er hann sjöfaldur ríkismeistari Washington State PGA Championship. Besti árangur hans á risamóti var þegar hann deildi 5. sætinu 1968 á Opna bandaríska. Bies spilaði á PGA til ársins 1980.

Eftir að hann varð 50 ára, í lok árs 1987, spilaði hann á Senior PGA Tour. Þar vann hann í alls 7 skipti, m.a. risamót öldungamótaraðarinnar The Tradition at Desert Mountain, árið 1989.   Á atvinnumannsferli sínum hefir Bies náð að sigra 19 sinnum.

Bies var kjörinn í fræðgarhöll Pacific Northwest PGA árið 1994. Hann býr í Seattle ásamt eiginkonu sinni til meira en 50 ára, Marylin. Þau eiga 3 uppkomin börn: Karen, Marcy og David og 8 barnabörn.

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is