Afmæliskylfingur dagsins: Rebecca Flood – 21. nóvember 2011

Rebecca Flood frá Ástralíu er afmæliskylfingur dagsins. Rebecca fæddist 21. nóvember 1988 í Coonabarabran New South Wales í Ástralíu og er því 23 ára í dag. Rebecca byrjaði að spila golf 10 ára eftir að hún fylgdist með pabba sínum, sem er eigandi bakarís, spila golf.

Rebecca þakkar fjölskyldu sinni og þjálfara, Gary Edwin fyrir góðan árangur sinn í golfinu, en hún hefir spilað á Evrópumótaröð kvenna (LET) frá árinu 2010. Rebecca stundaði nám við NSW Institute of Sport. Hún kemur frá litla bænum  Coonabarabran í New South Wales (NSW) og þegar hún var að vaxa úr grasi varð hún að keyra í 10  tíma til Sydney a.m.k. 6 sinnum á ári til þess að fara í tíma til þjálfara síns, Gary Edwin á Gullströndinni. Fyrir utn golf segir hún að hún hafi gaman af því að fara í verlsunarferðir, eyða tíma með fjölskyldu og vinum og fara á ströndina.

Til þess að sjá heimasíðu afmæliskylfingsins Rebeccu Flood smellið HÉR: 

Aðrir frægir kylfingar sem eiga afmæli í dag eru:  Frank Edmonds, f. 21. nóvember 1958 (53 ára); Alexandre Nardy Rocha, f. 21. nóvember 1977 (34 ára).

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is