Afmæliskylfingur dagsins: Jeev Milkha Singh – 15. desember 2011

Það eru margir frábærir kylfingar, sem eiga afmæli í dag. Sá sem er afmæliskylfingur dagsins að þessu sinni eru þó sá sem á 40 ára stórafmæli af þessum stjörnufans: indverski kylfingurinn Jeev Mikha Singh.

Jeev Milkha Singh

Jeev fæddist 15. desember 1971 í Chandigarh á Indlandi.

Hann er fyrsti indverski kylfingurinn til þess að spila á Evrópumótaröðinni.

Foreldrar hans eru indverski Olympíufarinn Milkha Singh og Nirmal Kaur, sem er fyrrum fyrirliði indverska kvennablakliðsins.

Frá því Jeev gerðist atvinnukylfingur 1993 hefir hann sigrað 19 sinnum, þar af þrívegis á Evrópumótaröðinni og 4 sinnum á japanska PGA. Besti árangur hans á risamótum er að verða jafn öðrum í 9. sæti á PGA Championship árið 2008.

Jeev er kvæntur æskuástinni sinni Kudrat, en snemma eru gerðir samningar milli fjölskyldna á Indlandi um giftingu barna á grundvelli stjörnumerkja þeirra.

Jeev og Kudrat

Aðrir frægir kylfingar sem eiga afmæli í dag eru m.a.:  Don Johnson,leikari og áhugakylfingur, 15. desember 1949 (62 ára);  Jane Park, 15. desember 1986 (25 ára);  Nontaya Srisawang, frá Thaílandi 15. desember 1987 (24 ára);  Klara Spilkova, 15. desember 1994 (17 ára).

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is