Afmæliskylfingar dagsins: Richard Burton, Fred Daly, Valgerður Bjarna, Michelle Wie og Heiða Guðna – 11. október 2011

Afmæliskylfingar dagsins eru þó nokkrir: Bandaríski kylfingurinn Michelle Wie, sem flestum er að góðu kunn og Heiða Guðnadóttir, GKJ eiga sama afmælisdag eru báðar 22 ára í dag.

Heiða Guðna, GKJ. Mynd: Golf 1.

Michelle spilar á LPGA og hefir tvívegis unnið á þeirri mótaröð: Lorena Ocha Invitational 15. nóvember 2009 og CN Canadian Women´s Open, 29. ágúst 2010. Hún nemur sem stendur í háskóla fyrirmyndar sinnar í golfinu Tiger Woods, Stanford University í Kaliforníu, en má ekki spila með golfliði skólans vegna þess að hún er atvinnumaður. Wie gerðist atvinnumaður aðeins 15 ára. Skemmst er að minnast að hún var í Solheim Cup liði Bandaríkjanna, sem tapaði fyrir Evrópu nú í s.l. mánuði í Killeen Castle á Írlandi, 15:13.

Afmæliskylfingurinn Valgerður Bjarnadóttir fyrir miðju í góðra vina hópi - f.v. Helga Jóhanns, Valgerður, Ólöf Baldurs

Valgerður Bjarnadóttir, í Golfklúbbnum Keili í Hafnarfirði, á afmæli í dag, er fædd 11. október 1960.

Fred Daly hefði orðið 100 ára í dag (f. 11. október 1911 – d. 18. nóvember 1990).  Fred Daly var norður-írskur atvinnukylfingur, sem er best þekktur fyrir að hafa sigrað Opna breska 1947 á golfvelli Royal Liverpool GCí Hoylake. Hann sigraði alls 21 sinnum á atvinnumannsferli sínum.

Richard Burton

Loks hefði Richard Burton (stórkylfingur/ekki leikarinn) orðið 104 ára í dag (f. 11. október 1907-31. desember 1989).  Helsta afrek hans í golfinu er að sigra Opna breska árið 1939, á St. Andrews.  Hann sigraði með stæl þegar hann fékk fugl á 18. og vann Johnny Bulla með 2 höggum.  Burton var í Ryder Cup liði Bretlands árin 1935, 1937 og 1949 og vann 2 af 5 leikjum sínum.

Golf 1 óskar Heiðu, Valgerði og öðrum afmæliskylfingum dagsins innilega til hamingju með afmælið!

Ef þið vitið um afmælisdag einhvers kylfings og viljið koma að stuttri afmælisgrein um hann hér á Golf 1 endilega hafið samband í golf1@golf1.is