Ragnheiður Jónsdóttir | janúar. 27. 2021 | 16:00

Afmæliskylfingar dagsins: Bryce Moulder og Mike Hill – 27. janúar 2021

Afmæliskylfingar dagsins eru tveir: Bryce Moulder og Mike Hill.

Mike Hill er fæddur 27. janúar 1939 í Jackson, Michigan og á því 82 ára afmæli í dag. . Hann var í Arizona State University og gerðist atvinnumaður árið 1967. Hann átti ágætis feril á PGA Tour, þar sem hann vann þrívegis. Stærsti árangur á lífsferli hans í golfinu kom þó eftir 50 ára aldrinum þegar hann sigraði 18 sinnum á the Senior PGA Tour (nú Champions Tour) og var m.a. á toppi peningalista Seniors Tour 1991. Mike er bróðir þekktari Hill-bróðursins, Dave Hill (f. 20. maí 1937-d. 27. september 2011).

Bryce Wade Moulder er fæddur 27. janúar 1979 í Harrison, Arkansas í Bandaríkjunum og á því 42 ára afmæli í dag. Bryce er kvæntur Kelley Fike Moulder (frá árinu 2006). Hann lék í bandaríska háskólagolfinu með liði Georgia Tech og spilaði síðan m.a. á PGA Tour, þar sem hann á 1 sigur þ.e. á Frys.com Open 2011. Eins sigraði Moulder einu sinni á forvera Web.com Tour þ.e. Nationawide Tour árið 2006 þ.e. á Miccosukee Championship.

Aðrir frægir kylfingar sem eiga afmæli í dag eru: Albert Woody Austin II, 27. janúar 1964 (57 ára); Dagmar Sigurðardóttir, 27. janúar 1967 (54 ára); Jonathan Currie Byrd, 27. janúar 1978 (43 ára) Saumakona Handcrafts ….. og…..

Golf 1 óskar öllum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is