Afmæliskylfingar dagsins: Bjarki Sigurðsson, Lee Westwood og Lydia Ko – 24. apríl 2012

Afmæliskylfingar dagsins í dag eru 3 hér á Golf 1: Bjarki Sigurðsson, GO, Lee Westwood og hin nýsjálenska Lydia Ko. Bjarki er fæddur 24. apríl 1965 og því 47 ára í dag, Lee Westwood er fæddur 24. apríl 1973 og því 39 ára og Lydia Ko er fædd 24. apríl 1997 og á því eiginlega sú eina sem á „stórafmæli“ fyrrgreindra kylfinga í dag, er 15 ára.

Lee Westwood var að sigra á Indonesian Masters í Jakarta núna um helgina og saxaði þar með aðeins stigalega á forskot sem þeir Rory McIlroy og Luke Donald hafa á hann á heimslistanum. Lee er í 3. sæti á heimslistanum, sem stendur.

Lydia Ko er hæst „rankaði“ áhugamaður meðal kvenna í heiminum og sú yngsta (hvort heldur er meðal karla eða kvenna) til þess að sigra á móti atvinnukylfinga. Þann frækna sigur vann hún 29. janúar s.l, sjá umfjöllun Golf1 þar um hér:  BING LEE SAMSUNG WOMEN´S NSW OPEN 

Bjarki Sigurðsson er í Golfklúbbnum Oddi í Garðabæ.  Hann er kvæntur Laufeyju Sigurðardóttur sem er í stjórn klúbbsins og þau eiga tvo syni Sigurð Björn og Arnór Inga.

Komast má á Facebooksíðu Bjarka til þess að óska honum til hamingju með daginn hér fyrir neðan:

Bjarki Sigurðsson

Golf 1 óskar afmæliskylfingunum sem og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is