Afmæliskylfingar dagsins: Arnar, Bjarney og Nína Björk – 4. október 2013

Þetta er stór afmælisdagur kylfinga þ.e. það eru margir frábærir kylfingar, sem eiga afmæli í dag. Þegar unnið er alla daga við að skrifa afmælisgreinar sést fljótt að suma daga er varla hægt að finna kylfing sem fæddur er á viðkomandi degi og svo aðra daga, sem margir stórkylfingar eru fæddir á. Þeir sem fæddir eru í dag virðast fæddir undir stórri golfstjörnu!!!

Afmæliskylfingar dagsins eru þrír í dag, en þeir eiga allir stórafmæli. Bjarney Guðmundsdóttir er fædd 4. október 1953 og á því 60 ára merkisafmæli í dag.

Arnar Jónsson, GL, er fæddur 4. október 1973 og á því 40 ára stórafmæli í dag. Hann er af stórri og mikilli golffjölskyldu á Skaganum en systur hans eru m.a. Valdís Þóra, margfaldur klúbbmeistari GL og m.a. Íslandsmeistari í höggleik 2012 og Friðmey Jónsdóttir, sem líka hefir orðið klúbbmeistari GL.

Síðast en ekki síst á Nína Björk Geirsdóttir, GKJ stórafmæli en hún er fædd 4. október 1983 og á því 30 ára stóramæli í dag. Hún er m.a. klúbbmeistari GKJ 2013 og þá eru ótalin öll önnur afrek hennar á golfsviðinu.

Komast má á heimasíðu tveggja afmæliskylfinga dagsins til þess að óska þeim til hamingju með daginn hér að neðan:

Bjarney Guðmundsdóttir (60 ára)

Sunna Víðisdóttir (19 ára)

Kolbrún Ólafsdóttir (51 árs)

Haukur Holm Hauksson (51 árs)

Árni Gestsson (24 ára)

Kristin Snaefells Arnthorsdottir

Ari Sigvaldason

Golf 1 óskar afmæliskylfingunum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is